Шартарап

Сардоба су қоймасындағы жарылыс бойынша тоғыз адам қамалды

  • https://www.azattyq.org/

    https://www.azattyq.org/

Өзбекстандағы Сардоба су қоймасындағы жарылысқа байланысты қозғалған іс бойынша 9 адам қамауға алынды. Бұл туралы елдің бас прокуратурасы хабарлады.

 

Су қоймасы биыл 1 мамырда жарылып, Өзбекстанда алты адам қайтыс болып, 70 мыңдай адам эвакуацияланған. Сардоба суы Қазақстанға дейін өтіп, Түркістан облысы Мақтаарал ауданындағы бірнеше ауылды су алған еді.

 

Күдікке іліндендер арасында "Сырдария сув курилиш инвест" мекемесінің құрылысқа тапсырыс берушісі, UzGip компаниясының жобалаушысы, "Узтемирйулкурилишмонтаж" мекемесінің бас мердігері, "Резаксой сув курилиш" мекемесінің мердігері, "Тупаланг Шеробод" мекемесінің мердігері, су шаруашылығы министрлігінің қызметкері бар.

 

Тексеріс қорытындысында су қоймасындағы жарылысқа жобалау құжатындағы, құрылыс кезіндегі қателіктер себеп деп көрсетілген.

 

Сардоба су қоймасы 2017 жылы салынған. Құрылысты салуға елдің қазіргі президенті Шавкат Мирзияев премьер болып тұрғанда пәрмен берген. Су қоймасын салуға 404,4 млн доллар бөлінген.

 

Өзбекстандағы су апатынан Қазақстанның Мақтаарал ауданындағы алты ауыл зардап шекті. Көлденең келген апаттан мыңнан астам тұрғын үй, үш мектеп, бес балабақша, бірнеше медицина мекемесі мен мәдениет үйі бүлінді. Су алған аймақта тұратын 31 мыңнан астам адам үй-мүлкін тастап кетуге мәжбүр болды. Қазақстан билігі апаттан зардап шеккендерге 100 мың теңге (240 доллар) төледі.

 

Сарапшылар су қоймасының апатына жемқорлық, құрылыс материалдарына бөлінген қаржыны жеуден болды деп есептейді.

 

azattyq.org




Көрілген: 376    Пікірлер: 0

сейсенбі, 28.07.2020, 00:24

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30