Ішкі әскерлер қолбасшысы ұсталды
Қырғызстан Ішкі істер министрлігі ішкі әскерлерінің қолбасшысы Исламбек Кенжеқұлов ұсталды, деп хабарлады turkystan.kz көрші елдің Бас прокуратурасының баспасөз қызметіне сілтеме жасап.
Ведомствоның мәліметінше, Исламбек Кенжеқұловты ұстау операциясы бір күн бұрын, 20 желтоқсанда болған.
Ол ішкі әскерлердің ақшасын жымқыру фактісі бойынша ұсталған.
Тексеру барысында жеке құрамның қажеттіліктері үшін азық-түлік пен киім-кешек сатып алуға арналған жалпы сомасы 33 миллион 946 мың 866 сом (400 мың доллардан астам) бюджет қаражаты фронттық компаниялардың есеп шотына заңсыз аударылғаны анықталған.
Елдегі Әскери прокуратура Қырғыз Республикасы ішкі әскерлерінің лауазымды тұлғаларына қатысты ҚР ҚК-нің бірнеше бабы бойынша қылмыстық іс қозғап, тергеу амалдарын жүргізуде.
