Он төрт ұшақ, тікұшақ пен дрон атып түсірілді - Ресей қорғаныс министрлігі

07 наурыз 2022, 18:53

24 ақпанның таңында Ресей Украинада әскери операция бастады
Ресейлік әскери-ғарыш күштері мен әуе шабуылына қарсы қорғаныс жүйелері "Байрактар" соққы жасау ұшағын қоса алғанда, Украинаның 14 ұшағы, тікұшағы мен дронын атып түсірді. Бұл туралы журналистерге РФ қорғаныс министрлігінің ресми өкілі генерал-майор Игорь Конашенков мәлімдеді.
"Кеше Ресей ӘҒК жою авиациясы мен әскери әуе шабуылына қарсы қорғаныс жүйелері Полтава ауданында Украина әскери-әуе күштерінің үш Су-27 ұшағын, Гостомель ауданында бір Су-25, Макаров ауданында екі Ми-24 ұшағын және "Байрактар ТБ-2" қоса алғанда, сегіз пилотсыз ұшу аппаратын атып түсірді", - деді генарал.
Ол бомбалаушы және штурм авиациясы Украина қарулы күштерінің үш "Бук М1" зениттік зымыран кешенін және екі радиолокациялық станциясын зақымдағанын нақтылады.
Ведомство өкілі Украинадағы тағы алты елді мекенді, атап айтқанда, Урожайное, Новодонецкое, Новомайорское, Дорожнянка, Загорное мен Чаривноені бақылауға алғанын айтты.
 
"Кеше Мәскеу уақытымен сағат 17:00 шамасында Мариупольдегі Жеңіс даңғылында Донецк халық республикасының әскерилері украин қарулы күштерінің бөлімшесімен бетпе-бет келді", - деді РФ Қорғаныс министрлігінің ресми өкілі.
 
Оның айтуынша, атыс кезінде төрт адам оққа ұшып, бесеуі жараланды. Әскери операция кезінде ресейлік Қарулы күштер Украина әскери инфрақұрылымының 2 396 нысан жойғаны хабарланып отыр.
21 ақпанда РФ президенті Владимир Путин Луганск және Донецк халық республикаларының егемендігін мойындау туралы жарлыққа қол қойды. 24 ақпанның таңында Ресей Украинада әскери операция бастады.