Бодрум қаласының мэрі Ахмет Арас орман өрттеріне байланысты сақтық шарасы ретінде үш бес жұлдызды қонақүйдің қонақтары эвакуацияланғанын растады. Бұл туралы DHA агенттігі жазады, - деп хабарлайды Kaz.tengritravel.kz тілшісі.
Қала басшысы туристер қаланың орталық бөлігіндегі қолайлы нысандарға орналастырылғанын түсіндірді. Қазір жер және тікұшақ арқылы өртпен күрес жұмыстары жүргізіліп жатыр.
Жалын 31 шілдеде Умурч ауданында өртенді. Осыдан кейін ол Ичмелер ауданына жетті. Желдің салдарынан ол тұрғын аймаққа тез жақындай бастады, бірақ тұрғындар мен туристерге ешқандай қауіп жоқ.
Еске салайық, шілденің соңында Түркияда орман өрттері басталды. Жалын Анталияның туристік провинциясына жетті, атап айтқанда танымал Бодрум және Мармарис курорттары зардап шекті. Ел президенті Режеп Тайып Ердоған өрттің қасақана шығарылғанын жоққа шығармады.