Үкіметке қарсы әйелдер шеруі өтіп жатыр

07 мамыр 2022, 21:44

Армения оппозициясы Ереван көшелерімен кезекті шеру бастады. Бұл жолы оған әйелдер ғана қатысады, деп хабарлайды Zakon.kz.


Шеруге бірнеше жүз адам қатысуда, деп хабарлайды РИА Новости.

Одан бөлек, оппозиция Ереваннан 120 шақырым жердегі Ванадзор қаласына дейін шеру ұйымдастырды, онда да митинг өтеді.

Әйелдер шеруі полиция әйелдерімен бірге жүреді. Бұған дейін күш құрылымдары оппозициялық шерулерге қатысқан әйелдерді ұстау кезінде шамадан тыс күш қолданды деп айыпталған болатын.

2 мамырда Ереванда оппозициялық күштер ұйымдастырған наразылық шерулері қайта жалғасты. Жиналғандар Таулы Қарабақтағы саясатқа байланысты биліктің отставкаға кетуін талап етуде.