WhatsApp мессенджерінде жаңа функция пайда болады

24 қазан 2020, 01:29

WhatsApp мессенджерінде қолданушылардың жеке деректеріне байланысты жаңа функция пайда болады, - деп хабарлайды WABetaInfo порталы. 

Мәселе адамның бетін адамның түрін анықтауға байланысты. Бағдарламаның Android  операциялық жүйесіндегі бета-нұсқаларының бірінде адамның бет-әлпеті сканерленетіні айтылған. Функция бұған дейін тек iOS-та қолжетімді болған. 

Алайда қарапайым қолданушыларға бұл функция қашан қолжетімді болатыны белгісіз. Мессенджерді бұғаттаудың бұл түрі көптеген Android қолданушысына iPhone-дағыдай қауіпсіздікті қамтамасыз етпеуі де мүмкін: фронталды камерадағы Face Unlock-тан басқа сурет немесе ұқсас адамды көрсетіп шығып кетуге болады. 

kaz.tengrinews.kz