Зеленский Ресейге қарсы қарымта соққы жасауға бұйрық берді

24 ақпан 2022, 14:27

Зеленский басқыншыларға барынша зиян келтіруді бұйырды. Бұған дейін Ресей Қорғаныс министрлігі украин шекарашылары Ресей әскерлеріне қарсылық көрсетпегенін хабарлады.

Сондай-ақ, ол халқына тағы бір үндеу жариялады:

"Бүгін Ресей басып кірді. Бізге бомбалар ғана емес, жалған ақпараттар да шабуыл жасай бастады. Ақпаратты ресми дереккөздерден алу керек. Путин Украинамен және бүкіл демократиялық қауымдастыққа қарсы соғыс бастады. Ол менің елімді жойғысы келеді.

Мен біздің әскерге жүгінгім келеді, біз сіздердің күш-жігерлеріңіз қандай екенін білеміз. Украиналықтар, үрейленбеңіздер. Шетелдегі украиндар, бізге сіздердің көмектеріңіз бен қолдауларыңыз қажет. Әлемдік көшбасшылармен бірлесе отырып, біз Путинмен ұжымдық қақтығысты бастаймыз. Украина даңқы артсын!",- деді Украина президенті.