Шымкент шырайы

ҚАЛА АКТИВІМЕН ӨТКЕН ЖИЫНДА ЖАҢА ТҰЖЫРЫМДАМА ЖОБАСЫ ТАНЫСТЫРЫЛДЫ

  • Шымкент қаласы әкімдігінің баспасөз қызметі

    Шымкент қаласы әкімдігінің баспасөз қызметі

Шымкент қаласының әкімдігінде ҚР Сыбайлас жемқорлыққа қарсы іс-қимыл агенттігінің төрағасы Марат Ахметжановтың қатысуымен қала активімен кездесу өтті.

 

Жиынды Шымкент қаласының әкімі Мұрат Әйтенов ашып, жүргізді. Қала әкімінің орынбасарлары, басқарма басшылары, аудан әкімдері, қалалық құқық қорғау органдарының жетекшілері, тағы басқа ресми өкілдер қатысқан жиында қоғамның мемлекеттік институттарға сенімін нығайту, заң үстемдігін орнықтыру, тұрғындар арасында  құқықтық мәдениетті жетілдіру міндеттері сараланды.

 

 

Қазақстан Республикасы Президенті «Халық бірлігі және жүйелі реформалар – ел өркендеуінің берік негізі» атты Қазақстан халқына арнаған Жолдауында әр азаматтың Тәуелсіздік игілігін сезінуіне жағдай жасалуы тиіс екендігі айтылған болатын.

 

«Мемлекет басшысы барлық бастамаларымыз елдегі бейбіт өмірге, қоғамдағы тұрақтылық пен тыныштыққа, халықтың тұрмыс сапасының жақсаруына және жастардың болашаққа нық сеніммен қарауына бағытталуы керектігін тапсырды. Бұл бағыттағы реформалар демократиялық даму бағдарымызды нығайтып, құқықтық базамызды сапалық тұрғыдан бекітті», - деп атап өтті қала басшысы.

 

 

Еліміздің Сыбайлас жемқорлыққа қарсы іс-қимыл агенттігінің төрағасы М.Ахметжанов, Мемлекет басшысының тапсырмасына сәйкес жүзеге асып жатқан саяси реформалар мемлекеттік басқару ісінде азаматтардың барлық сындарлы өтініш-тілектерін жедел әрі тиімді қарастыратын жүйе қалыптастырып, қоғамда сыбайлас жемқорлыққа мүлдем төзбеушілік қағидатын орнықтыру міндетін белгілейтінін атап өтті.

 

 

Осы орайда, сыбайлас жемқорлықпен тиімді күресті жалғастыру стратегиялық маңызға ие басымдық ретінде айқындалып, Қазақстан Республикасы Президентінің тапсырмасына сәйкес  орта мерзімді кезеңді қамтитын стратегиялық бағдарламаның жобасы әзірленгендігін жеткізді.

 

 

«Қазақстан Республикасының сыбайлас жемқорлыққа қарсы саясатының 2022-2026 жылдарға арналған Тұжырымдамасы» құжат жобасында сыбайлас жемқорлыққа қарсы іс-қимыл шеңберіндегі маңызды жетістіктер және мемлекеттің сыбайлас жемқорлыққа қарсы саясатын жетілдірудің одан әрі бағдарлары ұсынылған. «Бүгінде жаңа талаптар бойынша барлық мемлекеттік органдарда жобалық басқару енгізілуде. Ел дамуының барлық жалпыұлттық басымдықтары енді осы қағидаттар арқылы іске асырылатын болады. Сондықтан, қазір барлық мемлекеттік органдар үшін Ұлттық жобалардан басқа 6 негізгі міндетті жобалық бағыт анықталды. Олардың бірі «Сыбайлас жемқорлықтың алдын алу және оған қарсы іс-қимыл» болып табылады. Сыбайлас жемқорлыққа қарсы барлық бастамалар осы бағыт аясында жүзеге асырылатын болады», - деп атап өтті М. Ахметжанов.

 

 

Жиынды қорытындылаған Шымкент қаласының әкімі Мұрат Әйтенов барлық мемлекеттік органдар өз құзыреті шеңберінде сыбайлас жемқорлықпен пәрменді күрес жүргізуі керектігін атап өтіп, бұл бағытта қаламызда атқарылып жатқан жұмыстар жөнінде ақпар берді.

 

Қаладағы білім беру ұйымдарына жұмысқа қабылдауда ашықтық пен жариялылық қамтамасыз етіліп, бұл үдерістер ақпараттық жүйе арқылы автоматтандырылғанын атап өтті. Нұр-Сұлтан қаласының мысалында I-QALA орталықтандырылған қызметтер мен сервистер порталына 50-ден астам қызметтер мен сервистер жүйеге қосылғанын жеткізді. Халықтың сұраныстарын жедел қарастыру бағытында «I-Komek-109» ситуациялық орталығы құрылып, тиімді қызмет ұсынып жатқандығын атап өтті.

 

 

Әзірленген тұжырымдама жобасы сыбайлас жемқорлықпен күрес жүргізуге арналған барлық бағыттағы жұмыстарға серпін береді деген сенімін білдіріп, маңызды құжатты қаламызға арнайы келіп таныстырған Агенттік төрағасы Марат Мұратұлы Ахметжановқа алғысын жеткізді.  

 

 

 

Шымкент қаласы әкімдігінің баспасөз қызметі




Көрілген: 464    Пікірлер: 0

бейсенбі, 18.11.2021, 20:49

Достарыңмен бөліс:





  • СОҢҒЫ ЖАРИЯЛАНЫМДАР:
    27 Желтоқсан 2021
    «МЕН ӨМІРГЕ ҚҰШТАРМЫН»...
    23 Желтоқсан 2021
    ЭПИД ЖАҒДАЙ ТҰРАҚТЫ
    22 Желтоқсан 2021
    "ШАМ ЖАРЫҒЫНДАҒЫ КЕЗДЕСУ"
    22 Желтоқсан 2021
    Жемқорлықты жою міндет
    9 Желтоқсан 2021
    Біріккен рейдтік шара
    2 Желтоқсан 2021
    6 АДАМНАН КВИ АНЫҚТАЛДЫ

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31