ҚАЛАДАҒЫ ЕКІ ҚОҒАМДЫҚ КӨЛІКТІҢ БАҒЫТЫ ӨЗГЕРДІ

14 қазан 2021, 21:08

Шымкентте тұрғындардың сұранысы негізінде  №61 мен  №72 қоғамдық көлігінің бағытына өзгеріс енгізілді.

 

Нәтижесінде №72 бағыт, май комбинаты аумағын толық қамтитын әлеуеті анықталып,  «Алаш базары – МШК» аялдамалары аралығында қызмет көрсетеді.

 

 

 Бұл бағыттағы автобус саны 12 болса, сенбі мен жексенбі күндері 10 көлік  қызмет көрсетеді. Аралығы 18 минутты құрайды. Автобустар кең әрі сыйымдылығы жоғары болғандықтан елді-мекендегі тұрғындарды толық қамти алады.

 

Қоғамдық көлік қызметіне зерделеу нәтижесінде №61 бағытқа жолаушы аз мінетіні анықталды. Бұрын МШҚ шағын ауданында қызмет көрсететін көлік енді  «Ташенов көшесі – 8 көше» аралығындағы жолаушыларды тасымалдайды. Енді осы бағыттағы 6 көлік 15 минуттық аралықпен қызмет көрсетеді.

 

 

 

Шымкент қаласы әкімдігінің баспасөз қызметі