ШЫМКЕНТТЕ «ЖАСЫЛ ЕЛ» ЖӘНЕ «СТУДЕНТ ҚҰРЫЛЫС ЖАСАҚТАРЫНДА» 600-ДЕЙ ЖАС ЕҢБЕК ЕТУДЕ

31 шілде 2021, 22:33

Шымкентте «Жасыл ел» және «Студенттер құрылыс жасақтары» қала тазалығына атсалысуда. 600-дей жас бүгін Абай ауданы аумағындағы көп қабатты тұрғын үйлердің аулаларын тазартты. Жұдырықтай жұмылған қыз-жігіттер қала көркін қашырып тұрған күл-қоқыстарды жинастырып, қоршаған ортаның көркеюіне қолғабыс жасады. Пандемияға қарамастан білек сыбана жұмысқа кіріскен жастардың жалақысы қанша? Жасақ құрамының қызметі қандай?

 

 

«Жасыл ел» және «Студенттік құрылыс жасақтарында» жұмыс істейтін жастар бүгін таңертеңнен 8-шағынаудандағы аллеяға жиналды. Еңбеккерлердің бүгінгі міндеті - Абай ауданы аумағын күл-қоқыстан тазарту. Халық көп шоғырланған бұл ауданда бүгінде 30-дан астам елдімекен бар. 400-ден астам көпқабатты тұрғын үйге 200-ден астам аула қарастырылған.

 

Бұқарбай Парманов, Абай ауданының әкімі: «Біздің ауданда кәсіпкерлік пен мал шаруашылығы да жақсы жолға қойылған. Алдағы уақытта жастарды сондай нысандарға апару жоспарда бар. ..»

 

Абай Андабаев «Жасыл ел» және «Студенттер құрылыс жасақтары» жобасының үйлестірушісі « «Жасыл ел» және «Студенттік құрылыс жасақтары» қаладағы көпқабатты тұрғын үйлердің аулаларын тазартады, тазалық жұмыстарына жұмылдырылып отыр...

 

Қолдарына қап алып бірден іске кіріскен жастар айналаны қоқыстан тазартты.  «Жасыл ел» және «Студенттік құрылыс жасақтары» 2 ай бойы жұмыс істейді. Осы уақыт аралығында олар қаланың тазалығын сақтауға жұмылдырылады.  Еңбеккер жастардың арасында мектепті енді ғана бітірген Аружан Алтынбекова да бар. Қара жұмыстан қашпайтын қаршадай қыз жасақ бізді  болашақта ұжыммен жұмыс істеуге үйретеді  дейді.

 

Аружан Алтынбекова   «Жасыл ел» жобасының қатысушысы: «Қала тазалығы біз үшін маңызды...»

 

Жастар осыған дейін Қаратау, Еңбекші аудандарында болып, тазалық жұмыстарын атқарған. Жасақтарға жұмылдырылған 16-29 жас аралығындағы жоғары және орта арнаулы оқу орындарының студенттері мен белсенді жастарға мен еріктілерге 42500 теңгеден жалақы төленеді. Ал еңбекте белсенділік танытқан қыз-жігіттерге екі айлық жұмыс аяқталғаннан кейін арнайы марапатталып, сыйлықтар табысталады.

 

 

 

shymkenttv.kz