ЖАСӨПІРІМДЕР АРАСЫНДА ҚАЗАҚ КҮРЕСІНЕН РЕСПУБЛИКАЛЫҚ ТУРНИР

27 желтоқсан 2021, 23:31

Қаламыздағы орталық стадионда жасөспірімдер арасында қазақ күресінен республикалық турнир өтті.

 

Тәуелсіздігіміздің 30 жылдық мерейтойы мен күш атасы Қажымұқан Мұңайтпасовтың 150 жылдығына орай ұйымдастырылған турнирге еліміздің барлық аймағынан жас палуандар қатысып, бақтарын сынады.

 

 

 

Жасөпірімдер арасында қазақ күресінен республикалық турнирге еліміздің 4 облысынан 200-ден аса жас өрендер қатысты. 14 салмақ дәрежесінде өткен дода түс ауасына дейін жалғасты. Жарысқа арнайы шақырылған Самбо күресінен әлем чемпионатының қола жүлдегері, еліміздің 4 дүркін жеңімпазы Мұхит Асанов жас палуандардың аяқ алысын жоғары бағалады.

 

Мұхит Асанов – Самбо күресінен әлем чемпионатының қола жүлдегері

 

Бес кездесу өткізіп, бесеуінде де жеңіске жеткен Жанболат Дүйсенбей ақтық сынға шығып, өзінің мықтылығын дәлелдеді. Жаста болса болашағынан зор үміт күттіретін Жанболат алдағы арманым қазақ күресінен әлем чемпионы болсам дейді.

 

Жанболат Дүйсенбей – жарыс жеңімпазы

 

Сондай-ақ, жарыс қорытындысы бойынша 46 келі салмақ дәрежесінде белдескен Диас Маратұлы, 55  келі де Нұрмм Қалияр, 65 келі де Қошқар Батырхан үздік деп танылды. Жарыс жеңімпаздарына бағалы сыйлықтармен арнайы медальдар табыс етілді.

 

 

 

shymkenttv.kz