Шымкенттегі №1 қалалық клиникалық аурухана су жаңа құрылғымен жабдықталды. Ем-дом көрсету мекемесінде арнайы компьютерлік томография кабинеті ашылды.
Қомақты қаражатқа сатып алынған аппарат инсульт алған науқастың диагнозын дер кезінде анықтауға мүмкіндік береді.
Соңғы үлгідегі технологиямен жабдықталған аппарат АҚШ-тан әкелінген. Жалпы компьютерлік томография ағзаның барлық бөлімдері мен жүйелеріне зерттеу жүргізуге мүмкіндік береді. Қарама-қарсы түстерді қолданып, бағдарламаның арнайы пакеттерін қосу арқылы жүрек қан тамырларының зақымдану деңгейін байқайды. Сонымен қатар сүйек тіндерінің минералды тығыздығын анықтауға жағдай жасайды.
Дастан Утепов - №1 қалалық клиникалық аурухана инсульторталығының аға дәрігері