Мәселе

65 млн теңге қарызы бар шенеунік кім?

  • 65 млн теңге қарызы бар шенеунік кім?

    65 млн теңге қарызы бар шенеунік кім?

Қазір қарыз мәжбүрлеп қайтарылуда – шендінің еңбекақысының бір бөлігі берешекті өтеуге ұсталуда. Бұдан бөлек, сатылымға борышкердің меншігіндегі екі автокөлік пен жер учаскесінің өзі шығарылған. 


Жеке тұлғалар арасындағы салықтар бойынша 65 млн сомасындағы ең үлкен қарыз Асқар Нәбиевке тиесілі, оның 28 млн теңгесі – айыппұлдар. Бұл туралы Kursiv.kz хабарлады.


Нәбиев Қарағанды облысы, Бұқар Жырау ауданы әкімдігінде бас маман болып қызмет етеді, кезінде Қарағандының жер қатынастары бөлімін басқарыпты.


Осыдан бірнеше жыл бұрын ол жер учаскесін сатып алған. Қаланың әкімшілік шекарасы кеңейтілгеннен кейін, салықтық мөлшерлеме күрт өскен. Қазір қарыз мәжбүрлеп қайтарылуда – шендінің еңбекақысының бір бөлігі берешекті өтеуге ұсталуда. Бұдан бөлек, сатылымға борышкердің меншігіндегі екі автокөлік пен жер учаскесінің өзі шығарылған. Бірақ, бұлардың соңғысын сату мүмкін болмады: екі ретте де сатып алушылардың болмауы салдарынан, аукцион өткізілмей қалды, - дейді Қарағанды облысы Мемлекеттік кірістер департаментінің бас маманы Гүлнар Бекенова.


МКД мәліметтері бойынша, 22 мыңнан астам жеке тұлғаларға салық рақымшылығы жасалыпты, ал борышкерелер тізімінде барлығы 88,7 адам бар екен.


2019 жылғы бірінші қарашаға дейін 22,1 мың жеке тұлға 173,9 млн теңге сомасындағы салық қарыздарын өтеді. Соның нәтижесінде, олардың мойнындағы 66,8 млн теңге сомасындағы айыппұлдардың күші жойылды. Барлығы 88,7 мың салық төлеушінің өтелмеген борышының сомасы 1 млрд теңгені құрайды, оның ішінде, 332,2 миллионы – айыппұл, - деді сөзін нақтылаған мемкірістер департаментінің қызметкері.


Сонымен қатар, жеке кәсіпкер болып табылмайтын 57 жеке тұлғаның 15 жыл бұрын кәсіпкерлік қызметке қатысы болған 974 мың тенге қарызы анықталған, олардың 400 мың теңгесі – айыппұлдар, салық рақымшылығы аясында солардың күші жойылыпты.


Не салық төлеуші дұрыс есеп бермеген, не бір жүйеден екінші жүйеге көшкенде қате жіберілген, - деді жағдайды түсіндірген Бекенова.


Естеріңізге салсақ, жеке тұлғалар үшін Қазақстандағы салық рақымшылығы 2019 жылғы 16 маусымда басталған болатын. Жеке тұлғалар үшін айыппұлдардың күшін жоюдың жалғыз шарты мүлік, жер және көлік салығының негізгі қарызын өтеу болып табылады.


Рақымшылық 2019 жылғы 31 желтоқсанға дейін созылады.




Көрілген: 1288    Пікірлер: 0

дүйсенбі, 11.11.2019, 12:56

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31