Мәселе

Аида Балаева: Өңірлерде жастар мәселесі бойынша тыңдаулар өткізуді ұсынамыз

  • © ҚазАқпарат

    © ҚазАқпарат

Бүгін Ақпарат және қоғамдық даму министрлігі «Жаңа жағдайдағы жастар: Іс-қимыл кезеңі» республикалық жастар білім беру жобасын іске қосты.

 

Аталмыш шараны министрлік өкілдері Қазақстан Жастар конгресімен серіктестікте республиканың барлық аймақтарын онлайн форматта байланыстыра отырып, жүзеге асырды, деп хабарлайды ҚазАқпарат тілшісі.

 

 «Бүгін еліміздің жастары үшін ерекше шара. Әрине, оның мән-маңызы туралы ұзақ айтуға болады. Бірақ, мен оның бәрін Елбасымыздың «Біздің мақсатымыз - жастарды жаңа әлемде өмір сүруге үйрету» деген бір аыз сөзімен түйіндегім келіп отыр. Өйткені, «Zeren» жобасының басты мақсаты осы. Сондықтан бұл жобаға өмірін өнегемен өрген ерекше тұлғалар қатысып, ақылын айтып, көрген-білгенін үйретеді»,- деді жобаны іске қосуға арналған салтанатты шарада сөз сөйлеген ҚР Ақпарат және қоғамдық даму министрі Аида Балаева.

 

Министр келесі жылы еліміз Тәуелсіздігінің 30 жылдығын атап өткендігін айтты.

 

«Осы уақыттың ішінде елімізде жаңа да жасампаз ұрпақ қалыптасты. Бұл санасы еркін, жүрегі азат жастар. Сөз жоқ, олардың жетістігі де, ой-өрісі де ата-аналарынан асып түседі. Десек те, әр заманның, әр уақыттың өзі міндеті бар. Мына келген індет көрсеткендей, қазіргі жағдайда көп мәселе көзқарасты қайта қарауды талап етіп отыр. Әрине, бүгінгі «Zeren» алаңы осы бағыттағы үлкен жұмысты атқарады деген сенімдеміз. Бұл шара жастарға білім берумен қатар олардың құнды пікірлерін, керемет идеяларын тыңдау, қажетті қолдау көрсету мақсатында ұйымдастырылып отыр»,- деді ол.

 

Сонымен қатар Аида Балаева саналы, білімді, белсенді жастары көп елдің болашағы зор екендігін баса айтты.

 

«Мұндай жастар еліміздің әр түкпірінен табылады. Сол себепті, жастар мәселесін талқылауды бүгінгі бір ғана іс-шарамен шектелмей, бүкіл елдің деңгейінде жалғастыруымыз керек. Өз тарапымыздан біз Тәуелсіздіктің 30 жылдығы аясында барлық өңірлерде жастар мәселесі бойынша тыңдаулар өткізуді ұсынамыз. Сіздердің ортаға салар ойларыңызды тыңдап, қажетті қолдау көрсетудің маңызы біз үшін зор. Өйткені, қазіргі кезең бұл нағыз іс-қимыл кезеңі, жалынды жастардың уақыты, арынды ұл-қыздардың заманы», - деді министр.

 

Айта кетейік, б иылғы жылы «Зерен» білім беру лагері аясында онлайн форматта өтіп жатқан жоба аясында бір айдың ішінде жас қазақстандықтар өз білімін арттырып, білікті жаттықтырушыларды, сарапшыларды және өзге де шақырылатын қонақтарды жобаға тарта отырып, жаңа көшбасшылық және өмірлік қарім-қабілеттерге ие болады.

 

Жұмыс бес негізгі бағыт бойынша жүзеге асырылады: азаматтық белсенділік, еріктілер, ақпараттық технологиялар, жастар кәсіпкерлігі және жеке даму.

 

Жоба онлайн-форматта жүзеге асырылатындықтан оған еліміздің түкпір-түкпірінен жастар өкілдері қатыса алады.

 




Көрілген: 220    Пікірлер: 0

дүйсенбі, 09.11.2020, 21:18

Достарыңмен бөліс:

  • СОҢҒЫ ЖАРИЯЛАНЫМДАР:
    20 Қаңтар, 23:18
    Тазалықтың 7 ережесі

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31