Мәселе

Ақтау ауруханасында екі жасар қызға мерзімі өтіп кеткен дәрі егілген

  • Ақтау ауруханасында екі жасар қызға мерзімі өтіп кеткен дәрі егілген

    Ақтау ауруханасында екі жасар қызға мерзімі өтіп кеткен дәрі егілген

Ақтау тұрғынының екі жасар қызына жұқпалы аурулар ауруханасында жарамдылық мерзімі өтіп кеткен дәрі егілген, - деп хабарлайды Tengrinews.kz тілшісі "Астана" телеарнасының сюжетіне сілтеме жасап.

Телеарна мәліметінше, қаңтардан бері дәрігерлер Руфина есімді қыздың ұстамасына себеп таппай, дене қызуы неге 38 градусқа дейін көтерілетінін анықтай алмаған. Нақты диагноз - цитамегаловирус - қыркүйекте қыз үшінші рет ауруханаға жатып, жеке зертхананың мамандары шақырылған кезде ғана қойылған.

Бұл ауруға арналған препараттың нұсқауларын қатаң сақтау керек, себебі ол тез жарамсыз болып қалады, деп түсіндірді қыздың анасы.

"Бұл препарат тек 24 сағатқа жарамды. Яғни, бала 24 сағат ішінде 2 рет қабылдауы керек. Мысалы, күндізгі сағат 2-де ашты ма, оны түнгі 2-де егуі керек, келесі күні оны лақтырып тастау қажет. Ал олар 3-інде оны қайта пайдаланды, яғни жарамдылық мерзімі өтіп кетті", - дейді Ақтау қаласының тұрғыны Жұлдыз Таженова.
Жұлдыз Таженованың айтуынша, жарамсыз дәрі егілгеннен кейін қызының жағдайы күрт нашарлаған. Күні бойы баланың температурасы бірнеше рет 39 градусқа дейін көтерілген. Аурухана өкілдері сылтау іздемеді, қызметкерлердің бірі кінәсін мойындаған.

Медицина қызметкерінің кешірімін облыстық Денсаулық сақтау басқармасы қабылдаған. Медбикеге сөгіс жарияланды.

"Әзірше, сөгіс жарияланды, өйткені ол мұндай жағдайға бірінші рет тап болды. Медбике мойындады, әкесінен кешірім сұрады. Қыздың температурасы бәрібір болады, өйткені цитомегаловирус инфекциясының өзі толқын тәрізді, тұрақты температура да болуы мүмкін. Инфекцияның өзі осындай", - деді Маңғыстау балалар ауруханасы директорының емдеу-профилактикалық жұмыстар жөніндегі орынбасары Гүлжан Ермекбаева.
Алайда, сөгіс түріндегі жазаға зардап шеккен қыздың анасының көңілі толмайды. Ол медицина қызметкері жұмыстан босатылуына қол жеткізіп, балаға сапалы медициналық көмек көрсету үшін елордадағы Ана мен бала ұлттық орталығына квота алуға ниетті.




Көрілген: 1426    Пікірлер: 0

жұма, 08.10.2021, 09:39

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31