Жұлдыз
Радиосы
Алматы облысында сел жүрді
-
Алматы облысында сел жүрді
Алматы облысы Талғар ауданында топан су көлік өтетін көпірді шайып кетті, сонымен бірге автожолдар учаскелері мен екі жазғы кафе су астында қалды, деп хабарлайды NUR.KZ.
Бүгін ҚР ТЖМ жедел тобы Алматы облысы Талғар ауданындағы сел салдарын жою бойынша жұмысты үйлестіру және жағдайды бағалау мақсатында бөгеттің үстінен тікұшақпен қайта бойлай ұшып өтті.
.jpg)
Фото: МЧС
«Орман шаруашылығындағы 3 үй, «Спутник» лагеріне апаратын автожолдар учаскелері, өзен арнасына жақын орналасқан дәмхананың 2 жазғы терассасы, жұмыс істемейтін лагерьдің жеке құрылысы су астында қалғаны, сондай-ақ «Алматы-Қорғас» жолындағы автомобиль көпірін сел шайып жатқаны анықталды», - делінген ТЖМ-нің таратқан хабарламасында.
Фото: МЧС
ТЖМ мәлімдеуінше, Талғар өзенінде шайылған уақытша бөгетті қалпына келтіру және Қапшағай су қоймасында Қашқан-Талғар өзені бойындағы су ағынын бұру жұмысы басталды. Арнайы техниканың кезекшілігі орнатылды. Талғар өзенінің арнасын бойлай патрульдеу жұмысы ұйымдастырылды, көпірлерді кесіп өтетін жерлерде бекеттер қойылды.
Фото: МЧС
«Қазіргі сәтте Талғар бөгенінің су құйылатын бөлігіне транзитпен келіп түскен судың шығысы секундына 20,6 текше метрді құрады. Барлық 300 мың текше метр сел аталмыш гидротехникалық құрылыстың сел қоймасына тоғытылды, ол 8 млн. текше метрге дейін сел ағынын бұғаттауға мүмкіндік береді. Аталмыш бөгеннің арқасында сел Талғар өзенінің арнасынан төмен орналасқан елді мекендерге залалын келтірген жоқ», - делінген хабарламада.
Фото: МЧС
ҚР ТЖМ «Қазселденқорғау» ММ-нің 15 арнайы техникасы және 40 адамнан тұратын авариялық бригадасы жұмылдырылды.
Еске сала кетейік, куәгерлердің айтуынша, сел жүруінің салдарынан онда бірнеше үйлер мен көліктерге зақым келген. Тіпті топан су, лай ағыны және ірі-ірі тастар ғимараттардың бірінші қабатын қиратып, есіктерін қағып, терезелерін сындырған. Келтірілген шығын туралы нақты дерек хабарланған жоқ.
Nur.kz-тің Темірлан есімді оқырманы осы апатқа қатысты редакцияға бірнеше фото жіберген:
