Мәселе

Алматыда 600 оқытушы ҚазМҮББУ жабылуына қарсы шықты

  • Алматыда 600 оқытушы ҚазМҮББУ жабылуына қарсы шықты

    Алматыда 600 оқытушы ҚазМҮББУ жабылуына қарсы шықты

Алматыдағы Қазақ медициналық үздіксіз білім беру университетінің жабылуына қатысты дау-дамай азайған жоқ. Бір аптадан кейін 600 адам жұмыссыз қалады. Оқытушылар жоғары оқу орнын бас лицензиядан айыру туралы Білім және ғылым министрлігі шешіміне наразылықтарын білдіруге жиналды, - деп хабарлайды "Астана" телеарнасы.

Қазақстандағы көне университеттердің бірін лицензиясынан айыру педагогтар мен студенттерге күтпеген жаңалық болған. Алпыс жыл ішінде оқу орны мыңдаған білікті маман шығарды. Оның ішінде пандемиямен иық тіресіп күрескен инфекционистер де бар.

"Оқу орнында бұрыннан жұмыс істеп келе жатқан, көп жылдық тәжірибесі бар профессорлар мен доценттер бар. Жұқпалы патологияға келетін болсақ, біздің кафедра қызметкерлері республиканың барлық дәрігерлеріне кеңес береді", - деді ҚазМҮББУ профессоры Күләш Құрманова.
 
Оқутушылар да министрлік шешіміне қарсы. Себебі университет техникалық базамен қамтылған, білім ордасында ешқандай заңбұзушылық болмағанын айтты.

"Біз Қазақстан Республикасы Президентіне жүгініп, осы жағдайды түсінулеріңізді сұраймыз. Себебі Білім министрлігі әрекетіне күмәніміз бар. Тәуелсіз сараптама жасаңыз. Біздің педагогтар жоғары білікті", - деді ҚазМҮББУ профессоры Раушан Бердалина.
Студенттер де жоғары оқу орнына жоғарғы білікті мамандардан білім алуға, оқытушылар құрамы үшін түскендерін айтты.

"Біз мұнда ақылы негізде оқып жатырмыз. Оқуды осы жерде аяқтауға мүмкіндік беріңіздер. Университетіміздің жабылғанын қаламаймыз. Университет бұрыннан жоғары білікті мамандармен танымал",-деді ҚазМҮББУ 7-курс студенті Назым Құлназарова.
Медициналық университеттің бас лицензиясын қайтарып алу туралы сот шешімі келесі аптада күшіне енеді. Осыдан кейін университет қызметін тоқтатуға міндетті. Алайда алты жүз оқытушы жұмыс орнын қорғауға ниетті.

Еске салайық, 15 ақпанда ҚазМҮББУ лицензиясынан айырылғаны белгілі болды.

Былтыр күзде Шымкенттегі академик Қуатбеков атындағы Халықтар достығы университеті лицензиясынан айырылған еді.

2020 жылы жоспардан тыс тексерулер бүкіл ел бойынша 128 ЖОО-ның 55-інде жүргізілді. Нәтижесінде төрт оқу орны толығымен жабылып, тағы 25 жоғары оқу орны жеке бейіндер бойынша лицензияларға 74 қосымшаны қайтарып берді.

kaz.tengrinews.kz




Көрілген: 2027    Пікірлер: 0

жұма, 19.02.2021, 10:32

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30