Мәселе

Алматыда жедел жәрдемнен шу шықты

  • Алматыда жедел жәрдемнен шу шықты

    Алматыда жедел жәрдемнен шу шықты

Алматыдағы жедел жәрдем жүргізушілері көліктің қосалқы бөлшектерін өз ақшамызға сатып аламыз дейді. Ол қаражаттың қайтарымы да жоқ. Ақадал ақшасын қайтара алмаған жұрт шағымын журналистерге айтты. Ал мекеме басшылығы бұл айтылғандарды мойындамайды.

Бұл қаладағы № 12 жедел жәрдем қосалқы станциясының көлік жүргізушілерінің 2019-2020 жылдардағы шығыны. «Түбіртектердің барлығы қажетті бөлшектерді сатып алған соң берілген», – дейді жиналғандар. Айтуларынша, екі жылдағы шығынның жалпы сомасы бір жарым миллион теңгеге жуықтайды екен.

Кенжеболат Есімсейітов, жедел жәрдем жүргізушісі: –2019 бен 2020 жылдағы ақшаны есептесек, қазір қолымызда бір, бір жарым миллионға дейінгі чек бар. Біздің он екінші подстанцияның өзі сондай чек болып тұр. Көлікке қажет қосалқы бөлшектер сатып алынбай, көлік жүрмейтін болса, біздің ауысымымыз болмайды.

Қызметкерлерге медициналық киімдерді де сатып алуды міндеттепті. Осы мәселелерді көтеріп, ақшаларын талап еткен жүргізушілер тиісті органдарға арызданған. Алайда шағымданған қызметкерлер басшылық тарапынан қысым көре бастағандарын айтады.Тіпті кейбіріне арыздан бас тарту туралы қолхат жаздырып алыпты.

Асқат Шәріпов, жедел жәрдем жүргізушісі: – Жедел жәрдемде ешқайсымызда арнайы киім деген жоқ. Осыдан бес жыл бұрын берілгені бар, олардың бәрі өңі кетіп қалған, түсі кетіп қалған. Бізге арнайы киімді базардан сатып алыңдар дейді.

Мәселенің мәнін Қоғамдық денсаулық басқармасынан да сұрадық. Басқарма мәселеге жедел жәрдем қызметі жауап беретінін айтты. Ал Жедел жәрдем қызметі директорының мәліметінше, көлік жүргізушілерінің айтқан сөзі де, көрсеткен құжаттары да жалған. «Қызметтік көліктерге сатып алынған қосалқы бөлшектер мен техниканы жөндеуге кеткен ақша толықтай мекеме тарапынан төленеді», – дейді. Оның дәлелі ретінде директор бухгалтерлік құжаттарды көрсетті.

Ербол Сәрсенбаев, қалалық Жедел жәрдем қызметінің директоры: – Көліктерді жөндеу жұмыстары арнайы техникалық орталықтарда жүргізіледі. Оған қоса жаңа көліктерге кепілдік бойынша қызмет көрсетеді. Бірнеше адамның арызы шындыққа сай келмейді. Ең басында қызметтік тексеру жүргізілсін деп 77 адам қол қойған. Біз жағдайды түсіндірген соң, өзгеге алданып қалғанын біліп, көпшілігі ұжымдық арыздан бас тартты.

Ербол Сәрсенбаев қызметкерлерге ешқандай қысым көрсетілмеді дейді. Басшылыққа тағайындалғанына 5 ай болған жаңа директор құзырлы орган тарапынан тексеру келсе де, дайын екенін жеткізді.

Авторлары: Аршын Кемелжан, Валентин Лобанов, Мұхит Құдықбаев

24.kz




Көрілген: 323    Пікірлер: 0

сәрсенбі, 13.10.2021, 08:59

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31