Арыстанбек Мұхамедиұлы қамауға алынды - Антикор

29 мамыр 2022, 14:51

Кеше соттың санкциясымен Ұлттық музей директоры Арыстанбек Мұхамедиұлына қатысты «күзетпен ұстау» бұлтартпау шарасы таңдалды. Бұл туралы ҚазАқпарат тілшісі Антикордың Телеграм-арнасына сілтеме жасап жазды, - деп хабарлайды Alashainasy.kz.

«Нұр-Cұлтан қаласы бойынша Сыбайлас жемқорлыққа қарсы қызмет «Алтын адамның әлем музейлеріне шеруі» халықаралық көрмесін өткізу жөніндегі мемлекеттік сатып алу туралы шарт аясында Қазақстан Республикасы Ұлттық музейінің лауазымды адамдарына және басқа да тұлғаларға бюджет қаражатын жымқыру белгілері бойынша 146 миллион теңге сомасында сотқа дейінгі тергеп-тексеруді жүргізеді», деп жазды ведомство.

 

Ақпарат көзі 2022 жылғы 28 мамырда соттың санкциясымен Ұлттық музей директоры Арыстанбек Мұхамедиұлына қатысты «күзетпен ұстау» бұлтартпау шарасы таңдалғанын да мәлімдеді.

 

Тергеу жалғасуда.

 

Тергеу мүддесіндегі басқа ақпарат жария етуге жатпайды.