Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Астанада тергеу изоляторының қызметкері өз-өзіне қол жұмсады

14 желтоқсан 2017, 14:42

Астанада тергеу изоляторының қызметкері өз-өзіне қол жұмсады, - деп хабарлайды Tengrinews.kz тілшісі. Бұл мәліметті ҚР ІІМ Қылмыстық-атқару жүйесі комитетіндегілер растады.

"Демалыс күні Астанадағы ЕЦ 166/1 мекемесінің қызметкері суицид жасады. Бұл дерек сотқа дейінгі бірыңғай тергеу реестріне тіркелді. Астана қаласы бойынша ІІД-нің Алматы аудандық ІІБ тергеу жүргізіп жатыр", - делінген Қылмыстық-атқару жүйесі комитетінің редакция жолдаған сауалға берген жауабында. 11 желтоқсанда астаналық адвокат Аманжол Мұхамедьяров Facebook желісіндегі парақшасында Бас прокуратура, ІІМ, Ұлттық бюро мен Қылмыстық-атқару жүйесі комитетіне үндеу жасаған еді. Ол Астанадағы ЕЦ-166/1 тергеу изоляторында тексеріс жүргізуді сұраған болатын. Аманжол Мұхамедьяров арнайы мекемеде жасалған суицид жайлы сотталушы әрі қорғалушысы Айдын Алпысбаевтан білгенін айтып өтті. "Астаналық адвокат Мұхамедьяровтың Facebook әлеуметтік желісіндегі хабарламасы жайында айтатын болсақ, онда көрсетілген мәліметтер сотқа дейінгі бірыңғай тергеу реестріне тіркелді. Астана қалалық Қылмыстық-атқару жүйесі департаменті қызметтік тергеу бастады", - деп хабарлады комитеттегілер.