Мәселе

Әйелдің денесін сипап, құйрығынан теуіп «емдеген» емші елдің ашуын туғызды (видео)

  • Видеодан кадр

    Видеодан кадр

Facebook әлеуметтік желісінде Тортуыл Шоқан деген атпен тіркелген желі қолданушы өз парақшасына бір әйелді «емдеп» тұрған егде жастағы ер адамның видеосын жүктеді, деп жазады Skifnews.kz ақпарат порталы.

«Дұғамен омыртқа грыжасын емдеп жатыр. Мынаған қарағанда, мен білетін ем жылдам қона ма дедім ғой», - деп мысқылдаған жазба авторы. Себебі, әлгі емші «пациенттің» екі қолын екі жаққа көтеріп қойып, оның иығын, жауырынын, арқасын сипайды да, «Сүф! Сүф!» деп қолын сілкіп қалады.

Бұл – бергі жағы. Одан кейін өзі артқа шегініп тұрып, әйелдің сегізкөзі тұсынан, нақты айтқанда, құйрығынан екі аяқпен кезек-кезек тебеді. Осы әрекетін бірнеше рет қайталаған соң, «Сүф! Сүф!» деп аяғын емделушісінің екі жағынан ауаға сермей жөнеледі.

Оны таспаға тартып тұрған жігіт: «Аға, хватит!» деп қойып, жырқылдап күледі. Ал видео бетіне «Омыртқа жарығын үй жағдайында емдеу» (Лечение грыжа позвоночника в домашних условиях) деп жазылған.

Жазбаға 150-ден астам пікір жазылып, сондайлық адам өз парақшаларында бөліскен. Заманауи тілмен айтқанда, «хит» болып жатыр.

«Неше түрлі зомбилар шығып жатыр», «Масқара. Күлкім де, ашуым да келді», «Адамдар осынша аңқау болғаны ма?», «Мына дүмшені секіріп кеп желкеден тепсе ғой», «Осындай жарыместерді құртпай, біздің ел қараңғылықтан құтылмайды», «Мына дүмше осындай надандарды алдаумен нан тауып отыр, ұятсыз. Оған сеніп тұрған кемпір де надан. Осынша жасқа келгенше ақыл кірмеген, енді адам болмайды...» деседі пікір білдірушілердің алғашқы легі. Өзгелерінің де «емдеуші» мен емделушіні оңдырып жатқаны шамалы.

Видео:  www.facebook.com/nurjansemsk/videos/2688299341213535/




Көрілген: 9804    Пікірлер: 0

жұма, 06.12.2019, 11:19

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31