Мәселе

Бағаны көтерген дәріханаларға шара қолданылады

  • Бағаны көтерген дәріханаларға шара қолданылады

    Бағаны көтерген дәріханаларға шара қолданылады

Түркістан облысында пандемияға байланысты дәрі тапшылығын болдырмау мақсатында арнайы қордан қосымша препараттар алдырудамыз. Дәріханалардағы дәрі-дәрмектің саны жеткілікті болуын әрі бағасының шектік сомадан аспауын қадағалайтын боламыз. Қазіргі таңда облыс аумағында 924 дәріхана тұрғындарға қызмет көрсетеді. Талаптарды сақтамаған дәріханаларға шаралар қолданылады.

 

Бұл туралы Өңірлік коммуникациялар қызметінде өткен брифингте Түркістан облысы Тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Дәулет Тағыбаев мәлімдеді.
Дәрілік заттарды тағайындау емханаларда және кәсіби мамандардың нұсқамасы негізінде жүргізіледі. Антибиотик дәрілік заттары бөлшек саудада рецептсіз босатылған жағдайда, ҚР Әкімшілік құқық бұзушылықтың 426-бабының 1 тармағына сәйкес, әкімшілік шара қолданылады. Қызмет көрсетуші тұлғаға 70 АЕК, лауазымды тұлғаға 100 АЕК ретінде, кіші кәсіпке 130 АЕК, орта кәсіпке 200 АЕК, ірі кәсіпке 1000 АЕК көлемінде айыппұл салынады. Осы аталған жайт 1 жыл ішінде қайталанса, фармацевтикалық қызметпен айналысатын кәсіпкерлер 6 айға дейін фармацевтикалық қызметке лицензиясы тоқтатылады, - деді Дәулет Орынбайұлы.

 

Сонымен қатар, дәрі-дәрмек бағасын шектік бағадан асырған дәріханана иелеріне де шара қолданылады. Шектік бағаны кез-келген азамат андроид желісінде «dariKZ» мобильді қосымшасын жүктеу арқылы бөлшек саудада сатылатын немесе босатылатын дәрілік заттардың шекті бағасын бақылауға мүмкіндігі бар. Егер де баға шектік сомадан асып кетсе, түбіртегін алып, заң аясында арыздануға болады.


Облыс орталығында пневмония сырқатының көбеюіне байланысты қала әкімдігі тарапынан арнайы жұмысшы топ құрылып, департаменттің фармацевтикалық қызметті бақылау бөлімінің мамандарымен бірлесіп, бөлшек саудадағы дәрі-дәрмектердің бағаларына мониторинг жүргізіледі. Мониторингтік топ бөлшек саудамен айналысатын дәріханаларда босатылатын дәрілік заттардың бағаларын негізсіз көтеру дерегін анықтаған жағдайда, қорытынды ұсына алады. Ұсынылған қорытындыға сәйкес, заң шеңберінде тиісті шаралар қабылданады, - деді департамент басшысының орынбасары.


BAQ.KZ




Көрілген: 537    Пікірлер: 0

жұма, 26.06.2020, 22:51

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31