Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Бас санитарлық дәрігер мереке күндері дастарқанға қойылатын ең қауіпті тағамды атады

19 наурыз 2019, 18:55

Қазақстанның бас санитарлық дәрігері Жандарбек Бекшин үй жағдайында дайындалған қаймақтың қауіпті екенін айтты , - деп хабарлайды Tengrinews.kz тілшісі.

"Көп тағам дайындаған кезде, мысалы, салат жасаған кезде майонез және үй жағдайында әзірленген қаймақтарды шектеу керек, себебі ондай қаймақ түрлері денсаулыққа қауіпті. Әрине, үйде дайындалған тағам дәмді болады, дегенмен оның саны көп болған жағдайда және ол сатылымға шығарылған кезде өнім гигиена талаптарын бұзады", - деді Бекшин брифинг барысында. Оның айтуынша, мейрамдардан кейін қазақстандықтар арасында ішек инфекциясы мен улану жағдайлары көп тіркеледі. Сондықтан бас санитарлық дәрігер тағам өнімдерін сақтау және пайдалану мерзімдерін қатаң сақтауға кеңес береді. "Бағасы төмен тауарларға назар аударыңыздар, тауар арзан болса, күдіктенуге болады. Ол тауардың сақтау мерзімі өтіп кетейін деп тұрғанын немесе тіпті мерзімі өтіп кеткенін білдіреді", - деп ескертті Жандарбек Бекшин.