Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Донор дауы: Қазақстан азаматтарының дене мүшесі шетелдікке сатыла ма?

21 қазан 2020, 09:39

Онлайн режимдегі мәйіттік донорлыққа қатысты дау туындады, &ndash деп хабарлайды КТК арнасы. Себебі, мәйіттен алынған дене мүшесі нағыз мұқтаж жанға жетпес бұрын, саудаға түсе ме деп алаңдайды.
Денсаулық сақтау министрлігі оған жол берілмейтінін айтады.

Электронды үкіметтегі соңғы мәліметте қайтыс болған соң, ағзаны беру бастамасын қолдайтындарға қарағанда, бас тартқандар көп.

Ал мамыр айында күшіне енген «Халық денсаулығы туралы» кодекске сәйкес, әр адам қайтыс болғаннан кейін өз ағзасын беруге немесе одан бас тартуға өтініш беруі тиіс.

Статистика бойынша электронды үкіметтің дерегінше, 1438 адам, қағаз жүзінде 300-дей қазақстандық донор болғысы келмейді. Ал жалпы саны 200-ден аса адам басқаға өмір сыйлауды құп көреді.

Денсаулық сақтау министрлігінің мәліметінше, соңғы 9 айда 238 адам донор табылмағандықтан, өмірден өткен. Қазірдің өзінде елімізде үш мыңнан астам сырқат донорға мұқтаж. Соның 90 пайызы бір бүйрек үшін кезекте тұр.

ДСМ Транспланттауды және жоғары технологиялық медициналық қызметті үйлестіру жөніндегі республикалық орталығының директоры Әділ Жұмағалиев: «Ислам діні, орыс православиесі бар, католиктер бар. Бұл діндерде қарсылық жоқ. Бүгінгі таңда бірыңғай күту парағында 3242 адам тұр. Оның ішінде 116-сы сәби. Трансплантация барлық қазақстандықтарға тегін. Бірде-бір мәйіттік ағза шетелдіктерге қолданылмайды», &ndash дейді.

aikyn.kz