Мәселе

Жамбыл облысында ауыл әкімі көшеге өз әкесінің атын бергізген – Мұхтар Тінікеев

  • Видеодан кадр

    Видеодан кадр

Жамбыл облысында ауыл әкімі көшеге өз әкесінің атын бергізген. Шенеунік бұл қадамға бару үшін алаштың ардақтысы Сәкен Сейфуллиннің атын көшеден алдырып тастаған көрінеді. Бұл туралы ҚР Парламентінің экс-депутаты Мұхтар Тінікеев өзінің Facebook парақшасында жариялады.

 

«Жамбыл облысы Мыңарал ауылында С. Сейфуллин атындағы көшені өзінің әкесі немесе туысы С. Қашқынбековтың атына ауыстырған. Мүмкін, ол ауылға еңбегі сіңген адам шығар, бірақ әкімдердің өз туыстарына көше атауын бергізуі қашан тоқтайды? Иә, мен де С. Сейфуллиннің руы – Тоқа руынанмын. Бірақ мен қазақты руға, жүзге немесе нағыз қазақ деп бөлмеймін. Дегенмен тарихи тұлғаның есімі берілген көше атауының өзгеруіне қарсымын», - деп жазды М. Тінікеев.

 

«Азаттық рухының» тілшісі аталған жайды анықтап көруге тырысты. Мыңарал ауылының әкімі расымен де көшеге өз әкесінің атын бергізген болып шықты. Бірақ ол осыдан 17 жыл бұрын болған. Сол жылдары Мыңаралда әкім болған Талғат Қашқынбековтың әкесі ҰОС және еңбек ардагері болып шықты. Мойынқұм ауданы әкімінің орынбасары Амангелді Нәметқұловтың сөзінше, тарап жатқан ақпарат шындыққа жанаспайды.

 

«Аталған жағдайдан кейін архив құжаттарын көтерткіздік. Бұл жағдай бұрын ауыл тұрғындарының өтінішімен ауысқан. Сейфуллиннің атын ешкім алып тастаған жоқ. Талғат қазір әкім емес, оның Нұр-Сұлтан қаласынан туыстары келген. Қонақтарға бәрін түсіндірдім. Ардагерге берілген көше шет жақта, ол көшеде бұрын атау болмаған»,- деді аудан әкімінің орынбасары Амангелді Нәметқұлов.

 

 

Жамбыл облысы әкімдігінің мәліметінше, шешімді сол кездегі ауыл әкімі шығарған. Экс-депутаттың жазбасы қызметтік тексерістің басталуына түрткі болды.

 

«Мыңарал ауылдық округі әкімінің 2003 жылғы 18 қыркүйектегі №21 шешімімен Мыңарал ауылында (қазіргі ауыл) еңбек және соғыс ардагері Саршөкен Қашқынбековтің құрметіне бір көшеге есімі берілген. Мыңарал станциясындағы шағынауданнның тағы бір көшесі Сәкен Сейфуллин есімімен әлі де аталады.

Яғни, аталған шешімге сәйкес, С.Сейфуллин атындағы көше С.Қашқынбеков көшесі болып өзгертілмеген.

Сондай-ақ, азамат М.Тінікеевтің аталған факт бойынша жазбасына байланысты Жамбыл облысы әкімінің аппараты қызметтік тексеріс тағайындады»,- делінген хабарламада.

 

ВИДЕО:  www.youtube.com/watch

 

azattyq-ruhy.kz

 




Көрілген: 565    Пікірлер: 0

сейсенбі, 22.09.2020, 15:38

Достарыңмен бөліс:

  • СОҢҒЫ ЖАРИЯЛАНЫМДАР:
    10 Қараша, 02:46
    Жайық құрып барады

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30