Мәселе

Қаржы пирамидасынан зардап шеккендер Тоқаевқа хат жолдады

  • © Sputnik / Абзал Калиев.

    © Sputnik / Абзал Калиев.

16 наурызда қаржы пирамидасына алданған салымшылардың бастамашыл тобы Нұр-Сұлтан қаласына жиналып, Қазақстан президенті әкімшілігінің кеңсесіне хат тапсырды. Бастамашыл топты полиция бақылап жүрді. Салымшылар «Гарант 24», «Выгодный займ», «Эстет Ломбард» қаржы компанияларына берген ақшаларын қайтара алмағанына наразы.

 

Өзін «салымшыларды қорғау жөніндегі республикалық қоғамдық комитет үйлестірушісімін» деп таныстырған Жанар Дәулетова «бастамашыл топты полиция таңнан бері бақылап, үйден шығармай отырғанына» шағымданды.

 

- Хатымызды президент әкімшілігінің кеңесіне тапсырғымыз келген. Салымшылар мәселесіне үкімет пен парламент араласпаса болмайды, - дейді ол.

 

Шымкент, Тараз, Оралдан келген бастамашыл топ өкілдері салымшылардың кейбірі көлігін, кейбірі пәтерін сатып, қаржы компаниясына салғанын айтады.

 

Жанар Дәулетованың сөзінше, салымшылар мәселесімен айналысатын қоғамдық комитеттің 25915 адамға жүргізген сауалнамасы барысында олардың 23 миллиард теңгеден астам шығын шеккенін көрсеткен.

 

Қасым - Жомарт Тоқаевқа жазылған хатта «Ақшаларынан айырылған жас келіншек тамырын кесіп, екі кішкентай баласы жетім қалды. Жетісайдың 49 жастағы тұрғыны 2 наурызда өзіне қол салды» деп жазылған.

 

Полиция қызметкерлері бастамашыл топты неге үйінен шығармай отырғанын түсіндірмеді. Кейіннен бастамашыл топ өкілдері полиция бақылауымен президент әкімшілігіне хат тапсырғанын хабарлады.

 

Бұған дейін Қазақстанның бірқатар қалаларында «қаржы ұйымдарына алдандық" деген тұрғындар биліктен мәселелерін шешіп беруді талап еткен.

 

16 наурызда Ақтөбеде қаласында салымшылар наразылық білдірген. Жексенбіде Қызылордада бір топ салымшы «Гарант 24 Ломбард» жетекшілерінің бірінің үйіне барып, ақшаларын қайтаруды талап еткен.

 

Ақпан айының соңында ішкі істер министрлігі «Гарант 24 Ломбард» компаниясы құрылтайшысының Кишиневте ұсталғанын, оны Қазақстанға экстрадициялау мәселесі қарастырылып жатқанын хабарлаған.

 

azattyq.org

 




Көрілген: 149    Пікірлер: 0

дүйсенбі, 16.03.2020, 23:06

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31