Мәселе

"Қарызың бар" деп ұшаққа мінгізбей қойғандар өтемақы төлейді

  • "Қарызың бар" деп ұшаққа мінгізбей қойғандар өтемақы төлейді

 Кипр еліне ұшқалы тұрған жерінен сапарынан қалып қойған Александр Милько апелляциялық сотта жеңіп шықты. Талдықорғандық тұрғынның ешқандай қарызы болмаса да, әуежайдағы мамандар оны ұшаққа өткізбей қойған. Себебі, мәліметтер базасында оған шетелге шығуға тыйым салынғаны жөнінде ақпарат шыққан, – деп Qamshy.kz ақпарат агенттігі хабарлайды.


Сот барысында Александр Мильконың ешқандай да берешегі жоқ болып шықты. Ал Милькоға шет елге шығуға шектеу 2012 жылы қойылып, 2014 жылы алынып тасталған. Шектеу алынғаннан кейін ол бірнеше рет шет елге барған. Бірақ 2018 жылы аяқ асты оған 6 жыл бұрын қойылған шектеудің неліктен қайтадан базаға шығып кеткені белгісіз. "Алматы облыстық әділет департаментінен Александр Мильконың пайдасына 378 716 теңге материалдық шығын, 50 мың теңге моральдық өтемақы және 9126 теңге сот шығындары өндірілсін", – деді сот алқасының шешімін оқыған Алматы облыстық апелляциялық сот алқасының судьясы Қарлығаш Жапсарбаева.


Александр Милько өзінің кінәсіздігін бір жылдан аса уақыт бойы дәлелдеді. Ол Ұлттық қауіпсіздік қызметі, Әділет министрлігі мен Алматы облыстық әділет департаментін сотқа берген болатын. "Конституциялық құқығымның бұзылғанын дәлелдеу үшін бір жылдан аса уақыт кетті. Қазақстанда әділдік бар екеніне әйтеуір көзім жетті. Ең бастысы, менің берешегім жоқ, ал шектеудің базада қайта шығып кеткеніне мен кінәлі емеспін. Алматы облыстық апелляциялық сот алқасына істі жан-жақты, әділетті қарағаны үшін алғыс айтамын. Сот шешімімен толықтай келісемін", – деді Александр Милько. Еске салсақ, жеке сот орындаушылардың республикалық палатасының ресми мәлімдеуінше, Қазақстанда салық, алимент, несие сынды түрлі берешегі бар 1 млн 300 мыңнан аса адамға елден шығуға тыйым салынған.


Qamshy.kz




Көрілген: 1116    Пікірлер: 0

жексенбі, 17.11.2019, 16:53

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31