Мәселе

Қаза тапқан бес баланың туыстары бүкіл елге үндеу тастады

  • Фото: Төтенше жағдайлар министрлігінің баспасөз қызметі

    Фото: Төтенше жағдайлар министрлігінің баспасөз қызметі

Жамбыл облысында түтінге тұншығып қаза тапқан бес баланың туыстары жараның бетін тырнай бермеуді өтінеді. «Ешкімге кінә тақпаймыз, болар іс болды, оған көндігуден басқа амалымыз жоқ» деген олар, бұдан былай бұл мәселені қозғамауды сұрайды.

 

Өйткені айтылған сайын бес перзенттің ата- анасына ол ауыр соққы. Осылай деп қайғы жұтқан отбасы КТК телеарнасы арқылы бүкіл елге үндеу тастады.

 

Болған жағдай ел тұрғындарының қабырғасын қайыстырғаны жасырын емес. Үш күннен бері қайғыдан қан жұтқан отбасыға жер-жерден көңіл айтылып жатыр.

 

Бірақ оқыс оқиғаға анасын, қала берді әкімдікті айыптаудан мезі болдық дейді қаза тапқан балалардың туыстары. Тіпті кейбірі жалған мәлімет таратуға кіріскен деп күйінеді.

 

Сондықтан телеарна арқылы ақпаратты бұрмалаушыларға үндеу тастады.

 

Саидмұхаммед Әбдумәліков, марқұм балалардың туысы:

 

- Әлеуметтік желідегі анау-мынау деп, сан-саққа жүгіртіп, қитұрқы іс жасап жатқандарға да айтарым: Тоқтатыңдар, осымен қоя қойыңдар. Біз соның бәрін естіген сайын жүрегіміз сыздап жатыр. Бізге берген көмектеріңіз сол болсын. 

 

Қаралы отбасының уәжін жеткізген Саидмұхаммед Әбдумәліков: «Бұл біздің бірінші әрі соңғы мәлімдемеміз болса» -  дейді.

 

«Бұдан былай ешкім бізді мазаламағаны, жағдайға түсінікпен қарағаны дұрыс» деген пікірде.

 

Сондай-ақ ол өрттің неден шыққанын айтып берді.

 

Саидмұхаммед Әбдумәліков, марқұм балалардың туысы:

 

- Өрттің болғаны &ndash балалар ойнап сіріңкемен от жаққан. Содан болып тұр ғой. Басқа &ndash электр тоқ, газ, буржуйка деп, біреулер шығып жатыр. Оның бәрі өтірік.

 

Қайғылы жағдай болған үйдің ауласы лентамен қоршалып, далада полицейлер күзетіп тұр. Өйткені пәтердегі өрттің неден шыққанын анықтау үшін  іште тергеушілер үзіліссіз жұмыс істеп жатыр. Тек осы подьездің тұрғындарына ғана үйіне кіруге рұқсат.

 

Ал белгілі болғаны, оқыс оқиға болған баспанаға бес баласынан айырылған отбасы оралмайды. Себебі, осы жерде тұру қайғыдан қан жұтқан жандарға ауыр соғатынын ескерген туыстары,  ерлі-зайыптыны жаңа үйге қоныстандыруды ұйғарыпты.

 

Қаралы отбасы: «Бізге моральдық, психологиялық көмек болмаса, қаржылай қолдау қажет емес» - дейді.

 

Дегенмен жылу жинауға ниет білдірген көпшілікке алғысын білдірді. Ал өздерінің де ерлі-зайыптыға баспана әперуге мүмкіндігі бар екен.

 

Бірақ сонда да жас отбасыға демеушілер көмегімен пәтер берілетін болыпты.

 

Олжас Сайлаубекұлы, Жамбыл облысы әкімінің баспасөз хатшысы:

 

- Өңірдегі мемлекеттік қызметкерлер бір күндік жалақысын жолдайтын болды. Ата-анасына демеушілер есебінен үш бөлмелі пәтер берілді. Сарысу ауданының кәсіпкерлері баспанаға қажет жиһаз бен техниканы алып берді. Түрлі мемлекеттік емес қорлар мен 3 млн. теңгеден астам қаржы жиналып, материалдық көмек көрсетілді.

 

Үш күн бұрын Жаңатастағы көп қабатты үйдің бірінде өрт болып,  үлкені 6 жаста, кенжесі 7 айлық бес бала түтінге тұншығып көз жұмған. Әкесі жұмыста, анасы дүкенге шығып кеткенде балар үйде қалған.

 

Полицейлердің алғашқы болжамы &ndash от сіріңкеден тұтанған.

 

Қазір өрт қауіпсіздік ережелерін сақтамау бабы бойынша іс жүргізіліп жатыр. Сенбі күні марқұмдар жер қойнына тапсырылды.

 

Ал бес перзентінен бірдей айырылған ерлі-зайыпты Үшарал ауылындағы туыстарының үйінде. Олар психологтардың жіті бақылауында.

 

 

 

 

ktk.kz




Көрілген: 1966    Пікірлер: 0

дүйсенбі, 22.02.2021, 22:14

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28