Қазақстан АЭС қайда салынатыны бойынша шешім шығарды

09 маусым 2022, 22:29

Президент Қасым-Жомарт Тоқаев Қазақстан атом электр станциясы (АЭС) қайда салынатыны бойынша шешім шығарғанын және ықтимал жеткізушілердің технологияларын зерттеп жатқанын айтты, - деп хабарлайды Tengrinews.kz тілшісі.

Шетелдік инвесторлар кеңесінің отырысында Қасым-Жомарт Тоқаев Еуропалық Одақ жасыл технологиялар тізіміне енгізген атом энергетикасын дамытуда Қазақстанның бірқатар артықшылығы барын атап өтті.

"Біздің еліміз табиғи уран өндіруден әлемде бірінші орында, ядролық отын өндіреді және уранды байытуға мүмкіндігі бар. Қазіргі уақытта біз АЭС қайда орналасатыны бойынша шешім шығардық және ықтимал жеткізушілердің технологияларын зерттеп жатырмыз", - деді Тоқаев.

Қасым-Жомарт Тоқаев АЭС нақты қайда салынатынын айтқан жоқ.

Tengrinews.kz