Мәселе

Қазақстанда тағы бір мереке пайда болуы мүмкін

  • Қазақстанда тағы бір мереке пайда болуы мүмкін

    Қазақстанда тағы бір мереке пайда болуы мүмкін

Сәрсенбай Еңсегенов 14 наурызды Көрісу күні мерекесі деп белгілеуді ұсынды. Сенат депутаты Сәрсенбай Еңсегенов 14 наурызды Көрісу күні мерекесі деп белгілеуді ұсынды, деп хабарлайды Sputnik Қазақстан тілшісі.




Сенаттың жалпы отырысында депутат Сәрсенбай Еңсегенов премьер-министр Асқар Маминнің атына депутаттық сауал жолдады. Сенатор 14 наурызды Көрісу күні мерекесі етіп белгілеуді ұсынды.

"Заманында Көрісу еліміздің барлық аймағында болған, халқымызға кеңінен таралған. Бірақ әртүрлі себеппен бұл дәстүр кей жерлерде ұмытыла бастады. Қазіргі мезгілде ол Қазақстанның басқа да облыстарына таралып, арнайы іс-шаралар ұйымдастырылып жүр. Бүгінде Көрісу жекелеген аймақтың немесе тек қазақ халқының мейрамы емес. Оның аумағы мен ауқымы өсіп, елдің қоғамдық өміріндегі рөлі артып келеді. Шын мәнінде ол азаматтарымыздың дәстүрлі түрде аталып өтетін мерекесіне айналды", - деді Еңсегенов.


Ол алыс-жақын шет мемлекеттерде жүрген қандастар да осы атаулы күнді мерекелеп, шетелге таныстырып жатқанын атап өтті.


"Адамды бауырмалдыққа, кісілікке, кішілікке, жасампаздыққа, жақсылыққа тәрбиелейтін, тамыры тереңге кеткен, халқымызға берері мол, рухани қуаты ерекше, дәстүрлі түрде аталып жүрген Көрісу күнін ресми түрде айналымға енгізу жөнінде пікірлер айтылуда", - деді депутат.


Сенатор "Қазақстан Республикасындағы мерекелер туралы" заңға сәйкес, елімізде ұлттық, мемлекеттік, кәсіби және өзге де мерекелер тойланатын еске салды. Заңның төртінші бабына сәйкес, кәсіби және өзге де мерекелік күндер тізбесін Қазақстан үкіметі белгілейді.


"Құрметті Асқар Ұзақбайұлы, халқымыздың салт-дәстүрін қолдау және оны дәріптеу мақсатында 14 наурызды Көрісу күні мерекесі деп белгілеу жөнінде ұсыныс енгіземін және тиісті мемлекеттік органдарға тапсырма беруіңізді өтінемін", - деді Еңсегенов.

 




Көрілген: 440    Пікірлер: 0

бейсенбі, 14.03.2019, 15:36

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31