Мәселе

"Келуші болма": Елге оралмақ болған қазақстандық студент жанайқайын жеткізді (видео)

  • Фото: видеодан кадр. Коллаж: KAZ.NUR.KZ

    Фото: видеодан кадр. Коллаж: KAZ.NUR.KZ

Францияның Нанси қаласында оқып жатқан 23 жастағы Ардақ Шегебек күллі әлемге қауіп төндіріп тұрған коронавирус пандемиясы салдарынан шетелдегі оқуын тоқтатып, елге оралуға мәжбүр болған. Жақын арада Қазақстанға қайтататынына аса қуанған студент қыз бұл жаңалығымен өзінің Instagram парақшасында бөліседі. Алайда, туған жеріне қайтып келетін ару үшін барлығы қуана қоймаған. Бойжеткен желіде өз отандастарының қарғысына тап болған. Олар бойжеткеннің елге оралуын қаламайтынын ашық айтқан деп жазады KAZ.NUR.KZ.

 

Қазақстандықтар тарапынан сөгіс естіген студент қыз желіде өз жанайқайын жеткізді. Ардақ Шегебек арнайы видео жариялап, онсыз ауыр жағдайда өз отандастарының қарғап тастағаны жанына қатты батқанын айтты.

 

Сонымен қатар, бойжеткен өзінде қауіпті вирус белгілері мүлдем жоқ екенін жеткізді. Алайда, ол ұшақта қандай адамдармен болатынын өзі білмейтін болғандықтан, денсаулығы үшін алаңдайтынын мойындады.

 

"Бәріне сәлем, соңғы видеомнан кейін маған түрлі адамдар жаза бастады. Олардың басым көпшілігі Қазақстанға келе алмайтынымды, кейбірі тіпті "келуші болма" деп те жазды. Достар менде де интернет бар, менде жаңалықтарды үзбей күнде оқып отырмын. Бірақ, сіздердің сөздеріңіз маған аса ауыр тиді. "Қазақстанға коронавирус алып келме өзіңмен бірге, сол елде қал, келме" , деп жаздыңыздар. Кешіріңіздер, бірақ менде вирустың ешбір белгісі жоқ.
Ауырып та жүрген жоқпын. Онсыз да қиын жағдайда бола тұра сонша негатив есту еңсеңді түсіріп те жібереді екен. Оған қоса, ұшақта қасымда қандай адамдар болатынын мен білмеймін ғой. Сол себепті, ондай нәрселерді жазудың қажеті жоқ. Қолдау білдіре алмасаңыздар ештене жазудың қажеті жоқ. Айтайын дегенім: Сіздер солай айтты екен деп, мен өзімнің еліме оралмай қоймаймын. Өтініш, мұндай көңілге тиетін сөздерді жазбауларыңызды сұраймын. Менде Қазақстан азаматымын" , - деді алматылық ару.

 

KAZ.NUR.KZ тілшісіне сұхбат берген бойжеткен өз елінде өзін анағұрлым қауіпсіз сезінетінін айтты.

 

"Коронавирус пайда болғалы бұл қалада адамдар маған қорқынышпен қарай бастады. Дүкен болсын, дәріхана болсын. Қайда кірсем де бәрі менен қашқақтай бастайды. Өз елімізден басқа ешкімге керек емеспіз. Сол үшін Қазақстаныма қайтып бара жатқаныма қуаныштымын" , - деді ол. 

 

ВИДЕО:  www.youtube.com/watch




Көрілген: 5099    Пікірлер: 0

дүйсенбі, 16.03.2020, 13:11

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31