Мәселе

Көп адам жиналған той өткізу тыйылар емес

  • Көп адам жиналған той өткізу тыйылар емес

    Көп адам жиналған той өткізу тыйылар емес

Қызылорда облысында карантин талабы сақталуын қадағалайтын мониторинг мүшелері тұрғындар тарапынан көп адам жиналған той өткізу деректерін анықтады, деп хабарлайды ҚазАқпарат тілшісі.

Өңірде бұдан бұрын карантин талаптары кезең-кезеңімен жеңілдетілген еді. Десе де әлі де бірқатар шектеу бар. Қызылорда облысының Бас мемлекеттік санитариялық дәрігерінің 2021 жылғы 11 наурыздағы №4 қаулысы негізінде ойын-сауық іс-шараларын, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар) ұйымдастыруға мүлдем болмайды. Оның ішінде үйде және адамдар көп жиналатын өзге де іс-шараларды өткізуге, мерекелік корпоративтерді ұйымдастыру мен өткізуге тыйым салынған.

«Осындай шектеулерге қарамастан тұрғындар арасында әлі де тойға шақыру, тойға бару, көп адам жиналған іс-шаралар өткізу жалғасуда. Атап айтқанда, жыл басынан бері үй жағдайында ұйымдастырылған отбасылық 28 әртүрлі ұлттық дәстүрлік шаралар анықталған. Олардың қатарында қыз ұзату, үйлену, тұсау кесу, құда күту, беташар, туған күн секілді шаралар бар. Сондай-ақ, банкеттік залдарға тек шектеулі адамдар санымен ас беруге рұқсат етілгеніне қарамастан мейрамханаларға 100-ден аса қонақтар жинап той өткізу деректері белгілі болды. Бұл кәсіпкерлік нысандарына әкімшілік айыппұлдар салынды», - деп мәлім етті облыстық санитариялық-эпидемиологиялық бақылау департаментінен.

Талдау жүргізу барысында халық тарапынан ұлттық дәстүрдегі той-жиындарды тек демалыс күндері емес, сонымен қатар жұмыс күндері де жиі ұйымдастырылатыны анықталды. Сондықтан жұмысшы топ жұмыс күндері де жеке тұрғын үйлер мен мейрамханаларға, жалға берілетін коттедждерге жүргізілетін рейдтік шараларды күшейтіп отыр. Себебі, былтыр наурыз айында облыста эпидемиологиялық ахуал өршіп, инфекция жұқтырудың топтасқан жағдайлары осындай жиын-тойлардың себебінен орын алған болатын.

Сондай-ақ, бұдан бұрын Қызылордада карантин талабын сақтамаған ауыл әкіміне айыппұл салынды.




Көрілген: 1099    Пікірлер: 0

жексенбі, 11.04.2021, 10:45

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31