Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Кореяда ауыр жұмыстан 7 қазақстандық қайтыс болды – СІМ

01 сәуір 2019, 19:04

Бұл туралы бүгін брифинг барысында Сыртқы істер министрлігінің баспасөз хатшысы Айбек Смадияров айтты.

«Менің қолымдағы бар ақпаратқа сәйкес, осы жылдың басынан бері Оңтүстік Кореядан осы уақытқа дейін 1000-нан астам қазақстандық елге оралды. Әлі де операция жалғасуда. Әлі азаматтарымыз сол жақта қалып қоюда», - деді Смадиров.

Айтуынша, 7 азамат Кореяда қайтыс болған.

«Соңғы уақытта заңсыз жүрген мигранттардың арасында біздің азамат қайтыс болды. 30-40 жас аралағындағы азаматтар. Қара жұмыс істегеннен кейін кешке үйіне шаршап келіп, ұйықтап қалған соң оянбай қойған. Олар заңсыз жүргендіктен ешқандай медициналық сақтандыруы жоқ, жұмыс берушімен келісімшарт жасамаған. Әке-шешесіне оларды елге әкелу қиынға соқты. Өйткені Оңтүстік Кореядан бір денені жеткізу үшін 6-7 мың доллар ақша керек», - деді баспасөз хатшысы.

Бұдан бөлек Айбек Смадияров "Жасыл дәлізге" қатысты ешқандай ақпараты жоқ екенін мәлімдеді.

Бұған дейін Қазақстан Республикасы және Корея Республикасы Сыртқы саяси ведомстволары арасында Консулдық мәселелер жөніндегі консультацияларының 5-ші отырысы өткенін хабарлаған болатынбыз.

Сонымен қатар, ҚР Сыртқы істер министрлігі Кореяға баратын қазақстандықтар нені ескеруі тиіс екенін хабарлаған еді.

BAQ.KZ