Мәселе

"Қорқып өлетін болдық": Тараз түбінде бір күнде 400 килограмм оқ-дәрі жойылды

  • "Қорқып өлетін болдық": Тараз түбінде бір күнде 400 килограмм оқ-дәрі жойылды

Әскери бөлімге тиіп тұрған Қайнар ауылының тұрғындары дүмпуден әбден мезі болғанын айтты

Жамбыл облысының Байзақ ауданында бір күнде 400 килограмм оқ-дәрі жойылды. Бұл туралы "Хабар 24" хабарлады.  

Тамызда жарылыс болған әскери бөлімдегі оқ-дәрілерді жою жұмыстары бір ай бойы жүргізіледі. Ол үшін таудың ішінде қоймадан 12 шақырымдай жерде арнайы жер белгіленген.  

Бір күнде 6 рет жарылыс жасалып, 400 килограмдай оқ-дәрі шығарылып жойылған. Әскерилер қауіпсіздік шараларың қатаң бақылауда деп сендіріп отыр. Тұрғындарға жарылыс болатындығы жөнінде ескерттік дейді. Алайда әскери бөлімге тиіп тұрған Қайнар ауылының тұрғындары дүмпуден әбден мезі болған. 

"Ататынын атып, жаратынын жарып тезірек бітсе екен. Шыны керек, қорқып-қорқып өлетін болдық. Мезі қылды, әбден шаршап кеттік. Осы соңғысы болса екен, бұдан кейін бұлай болмасын", - дейді Қайнар ауылының тұрғыны Гүлзира Жамбылова.
"Айтпай жарылғаннан, күтіп отырған жарылыс дұрыс екен. Сендер көрген жоқсыңдар ғой.  Аймақтағы жарылыстың барлығын аяқталып, елде тыныш өмір болса екен", - дейді тағы бір ауыл тұрғыны Ғазиз Жартыбаев.

Әскерилер тәулігіне 500 келіден артық жарылғыш заттарды жармаймыз деп отыр. Одан асса, төңіректегі елді мекендерге қауіп төнуі мүмкін.

"Күніне 3-4 жарылыстан жүргізіледі. Ол жерігілікті әкімдікпен келісілген. 400 келіні бүгін бірден жарған жоқпыз. Оны бөліп-бөліп жарамыз. Мен күндік норманы айтып отырмын. Бүгінге бір жарылыс қалды. Сонымен болды. Ертең жалғастырамыз", - деп түсіндірді әскери бөлімінің командирі Еркін Әбсадықов.

"Төңіректе жақын орналасқан шаруа қожалықтарға және елді мекендерге, бәріне хабарланды. Жалпы жарылыстар ешқандай фермерлік шаруаларға, олардың ғимараттарына, ауылдарға ешқандай қауіп төндіріп тұрған жоқ", - дейді Байзақ ауданы әкімінің орынбасары Қайрат Исмайыл.

Жару жұмыстарына инженерлік-саперлік мамандардан 20 шақты адам жұмылдырылған. Қазір тек жарылған қоймадағы қалдықты заттар ғана жойылып жатыр. Өзгелеріне тимейміз дейді әскери бөлім командирі. Қоймада қанша жарылғыш зат қалғаны белгісіз. Әскерилер енді мұнда мүлдем жарылыс болмайды деп те сенімді айта алмай отыр. Ал жоспарлы жару жұмыстары дүйсенбі мен жұма күндері аралығында жүргізіледі. Бұл жұмыстар 13 қарашаға дейін жалғаспақ.

sputnik.kz




Көрілген: 475    Пікірлер: 0

жұма, 15.10.2021, 10:08

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31