"Коронавирустың емін таптым": Талдықорған тұрғыны өзін алғашқы пайғамбармын деп жариялады

25 қазан 2021, 14:10

Өзін алғашқы пайғамбармын деп жариялаған Хан Досаев құдайдан аян алғанын айтады. Сондай-ақ коронавирустың емін білемін деп жаңалық ашты. Ал имамдар оның сөзін теріске шығарды.

Бұл туралы Алматы арнасына сілтеме жасап  Stan.kz ақпарат агенттігі хабарлайды.

 
Хан Досаев өзінің әңгімесінің әлқиссасын өзінің миллионыншы рет жаңа кейіпте келгенін айтып бастады. Сөзіне сүйенсек, ол сонау динозаврлар дәуірінде өмірге келген. Өзінің пайғамбар екенін 2011 жылы Құдаймен көріскенде білдім дейді. 

“Жартылай ұйқы, жартылай ояу жатқанмын. Маған аян келді. Хан, сен алғашқы пайғамбарсың. Сен бұл дүниедегі адамдардың қателерін шешуге келдің дейді. Коронавирустың мәселесін тұқыммен шешуге болады. Мен алғашқы пайғамбармын. Ол Мұхамед те емес, Иса да емес”, – деді 

Ол гуманизм мен таңдау еркіндігіне негізделген ежелгі діні "Жер" туралы айтты. Ханның айтуынша, оның Жердегі діні алыпсатарлық пен фантастикаға емес, математикаға негізделген. Бұл негізгі айырмашылық деп есептеледі. Қолына ұстаған папкасы – Құранның бір түрі дейді. Қасиетті кітаптағыдай оның да өз ережелері мен заңдары бар. Ол әдеттегідей жазбада емес, математикалық формулаларда жазылған.

Хан Досаев өз дінін әлемдегі ең гуманистік және демократиялық деп атайды. Оның ережелері бойынша адамға алкогольді тұтынуға, темекі шегуге, сондай-ақ некесіз жыныстық қатынасқа түсуге рұқсат етіледі. Ең бастысы - барлық жағынан білу. Бірақ миссионер COVID-19 жеңе алатыны туралы мәлімдемесімен де таңғалдырды.

"Менің тұқымым коронавирусты жеңе алады, ол қолданыстағы кез келген вакцинадан, тіпті Pfizer-ден де тиімді", - дейді Талдықорған қаласының тұрғыны Хан Досаев.

Ал имам Камит Табарак оның сөзін жоққа шығарды.

"Құрметті мұсылман бауырлар, мен сіздерді сақтыққа шақырамын, жер бетіне аяқ басқан соңғы пайғамбар - Мұхаммед. Бұл жігіт үлкен күнә жасап отыр, ол Алла Тағаланың алдында жауап береді. Оның сөздеріне сенбеңіздер, сенсеңіздер сіздер де күнәхар боласыздар", - деп жауап берді Иман мешітінің имамы Камит Табарак.

Дінбасы, миссионер немесе өзі айтқандай, "пайғамбар" Хан Досаев қанша сенім мен үндеулерге қарамастан, өз дінінен бас тартуға ниеті жоқ.