Мәселе

Коронавирустың үшінші толқыны: Сағынтаев алматылықтарға үндеу жасады

  • http://kazgazeta.kz/

    http://kazgazeta.kz/

Ірі қалаларда коронавирустың үшінші толқыны басталып жатыр деуге болады. Бұл туралы тікелей эфир барысында қала әкімі Бақытжан Сағынтаев айтты.

 

"Жазбен салыстырар болсақ, тәулігіне екі есе көп жағдай тіркелуде. Бұл коронавирустың жаңа штаммдарымен байланысты. Алматы қазір қиын жағдайды өткеріп жатыр", - деді Сағынтаев.

 

Жаңа штаммдарды жұқтыру көрсеткіші базалық штаммға қарағанда 70 процентке жоғары. Инфекция тез жұғады. Сондықтан мегаполисте вирусқа шалдығу жағдайы көп тіркеліп жатыр.

 

Зерттеу барысында британдық және оңтүстікафрикалық штаммдарға ұқсас мутациялар анықталды.

 

Сағынтаевтың айтуынша, қаңтар айынан бері вирус жылдам таралуда. Салдарынан медициналық мекемелерде орын азайып келеді.

 

Қалада барлығы 7 011 орын бар. Олар науқастардың жағдайына байланысты үшке бөлінген: ауыр, орташа және жеңіл түрі. Қазіргі уақытта бес мың төсек-орынның 48 проценті бос тұр. Инфекциялық ауруханаларда 1080 орын бар, оның 75 проценті бос емес.

 

Алайда әкімнің айтуынша, әзірге қаланы жабу мәселесі қарастырылып жатқан жоқ.

 

"Қаланы жаппаймыз. Мұндай мәселе күн тәртібінде тұрған жоқ. Қабылданған шаралар жағдайды тұрақтандыруға мүмкіндік береді деп ойлаймыз", - деді қала басшысы тікелей эфирде алматылықтардың сауалына.

 

Ол барлық шектеу шаралары тәуліктегі вирус жұқтыру көрсеткішіне байланысты болатынын атап өтті.

 

"20 наурыздан бастап шектеу енгізілді. Эпидемиологиялық жағдайға байланысты тағы екі аптаға созу туралы шешім қабылдадық. Бүгін кәсіпкерлермен кездестік, 1,5 сағат бойы шараларды талқыладық. Бизнес тарапынан түсіністік бар. Енді қалалық бюджетті ескере отыра, кәсіпкерлерге қолдау көрсету шараларын ойластыратын боламыз. Алдағы аптаның соңында бас қосамыз. Егер жағдай тұрақталса, шектеу шараларын қайта қарастыратын боламыз", - деді Сағынтаев.

 

 

 

 

 

sputnik.kz

 

 

 




Көрілген: 938    Пікірлер: 0

дүйсенбі, 29.03.2021, 00:48

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31