Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Қостанайда үйлері түгел өртеніп кеткен отбасы көмекке зәру

03 сәуір 2019, 12:26

Қостанайда 31 наурыз күні 3 баласы бар отбасының баспаналары түгел өртеніп кетті. Жұмысқа кеткен үй иесіне көршілері хабарласып, балалардың қайда екенін сұрап, үйдің жанып жатқанын айтқанда отағасы есінен тана жаздапты деп жазады Alau.kz.

Бегайдаровтар отбасы бұл үйді осындан 2 жыл бұрын жалға алған. Құжаттарынан басқа барлық зат қызыл жалынға оранса да, отбасы мүшелері дін аман екен.

«Көршім хабарласып, «балалар үйде ме?» деп сұрады. Сасқанымнан иә деппін. Кейін үйде емес екені есіме түсті», - деп еске алды Ринат Бегайдаров.

Өрттің нақты неден шыққаны әлі анықталмаған.

Анасы Анастасияның айтуынша, сол күні 10, 9 және 1 жастағы немерелерін әжесі үйіне алып кетіпті.

Қазір бұл отбасы Затобольскідегі туыстарының үйін паналап жатыр.

Егер көмек қолын созам деушілер болса: 8-747-286-59-52, 8-747-689-49-39 нөміріне хабарласса болады.

sn.kz