Мәселе

Қызылордада қазақ қызына қойылған мүсін жұртты шошытты (фото)

  • Фото: Өмірзақ Ақжігіттің Facebook парақшасынан

    Фото: Өмірзақ Ақжігіттің Facebook парақшасынан

Әлеуметтік желіде Қызылорда көшелерінің біріне қойылған қазақ қызының ескерткіші таралып кетті. Бойжеткеннен гөрі ер адамға көбірек ұқсайтын ескерткішті желі қолданушылары қызу талқыға салған деп жазады NUR.KZ.


Суретті Өмірзақ Ақжігіт есімді Facebook қолданушысы өз парақшасына жүктеді.


"Қазақ қызын қорлаудың қызлордалық үлгісі. Мына ескерткіш рас болса, Қызылордада тұр екен. Қазақ қызын бұдан артық қорлау, бұдан артық мазақ ету мүмкін емес шығар. Қызылордалықтар, жасатқан әкімдер Нәлібаев пен Көшербаевтың бірі шығар. Ал жасаған авторлары кім? Ортаға салыңыздаршы, ондай керемет "мүсіншілерді" де біле жүрейік", - дейді жазба авторы.

Ал желі қолданушылары бұл ескерткіштің расымен Қызылордада тұрғанын растады. Пікір қалдырушылар арасында оның қайда орналастырылғанына дейін нақты айтып бергендер табылған.


"Рас, бұл Қызылордадағы ескерткіш қой", "Кімнің жасағанын білмейміз", "Бірақ қыздан гөрі еркекке көбірек ұқсайды", "Салық бөлімшесі жақта орналасқан".


"Қызылордаға келсеңіздер мұнан да сорақы ескерткіштер көресіздер", "Масқара", "Мынаусы тіпті ерсі екен", "Біз желіге салғаннан кейін орнынан алып тастап еді. Басқа жерге апарып орналастырған болып тұр ғой".

"Мынаны қызықтауға емес, қарауға ұяласың ғой", "Көрген адам қазақ қызын ұсынсыз деп ойлайды ғой" деп желі қолданушылары жарыса пікір білдірді.


Естеріңізге сала кетейік, 2018 жылдың жазында Қызылордадағы қалалық демалыс паркіне орналастырылған үрлемелі маймылдың бейнесі жұртты шошытқан болатын. Арада көп өтпей елдің ашуын тудырған маймылды саябақтан алып тастаған.


 





Көрілген: 481    Пікірлер: 0

дүйсенбі, 11.02.2019, 18:00

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30