Мәселе

Маңғыстау облысында 11 адам жәндіктерге қарсы препараттардан уланған

  • ҚазАқпарат

    ҚазАқпарат

Биыл бір жарым айдың ішінде Маңғыстау облысында 11 адам жәндіктер мен кеміргіштерге қарсы препараттардан ажал құша жаздады, деп хабарлайды ҚазАқпарат тілшісі.

 

Ақтау қаласының әкімдігі мен санитария саласының мамандары дүкендерге рейд жасап, түсіндіру шараларын жүргізді.

 

«Тарақан мен қандаладан шаршадыңыз ба?» Базар сыртында осындай жарналамалар жетерлік. Ал, дүкен сөрелеріндегі дәрілерден көз сүрінеді. Қалтаңыз көтерсе, қалағанын алуға болады. Қорғаныш маскасы мен арнайы киім болса болғаны. Абайлап, мөлшерімен қолдансаңыз, түк те болмайды – сатушылардың тұрғындарға ескертері осы ғана. Алайда, мамандардың айтуынша, бұған ешкім кепілдік бере алмайды. Алдымен, сатуға рұқсат қағазы болуы керек. Препараттардың түрлі әсері бар. Әсіресе, соңы адам өліміне әкеліп соққан жағдайлардың бірінде тұрғын үйлерге арналмаған улы химикат пайдаланылғаны анықталған. Сондықтан арнайы мекемелерге жүгінген жөн. Шараның мақсаты да осы – уланудың алдын алу. «Негізгі міндет – дәрілеудің сапасыз, дұрыс қолданылмау салдарының алдын алу, кәсіпкерлер мен халыққа ескерту. Тексеріп, қарадық. Кейбір улы заттардың сертификаттары жоқ. Сертификаты болса да, оны қолдану бойынша түсіндіру шараларын жасамайды», - дейді Ақтау қаласы әкімінің орынбасары Серік Гусман.

 

Қалада 1 мыңға жуық тұрғын үй болса, оларға 77 пәтер иелері кооперативі қызмет көрсетеді. Тәртіп бойынша, олар жылына 2 рет жертөлені жәндіктерге қарсы улауы тиіс. «Ал, пәтер ішін дезинфекциялауды тұрғындар өз жауапкершілігіне алады», - дейді С.Гусман.

 

Айта кетейік, былтыр дезинсекция және дератизация препараттарынан уланудың 13 оқиғасы тіркеліп, 3 адам көз жұмды. Оның екеуі – бала. Жуырда тағы бір отбасы ажал құша жаздады. Абырой болғанда, дәрігерлер дер кезінде көмек көрсетіп, 3 адамды аман алып қалды. Ал жалпы, жыл басталғалы облыста 11 адам уланған.

 




Көрілген: 133    Пікірлер: 0

бейсенбі, 20.02.2020, 09:35

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30