Мәселе

Мемлекеттік аппаратты қысқарту: кімді жұмыстан шығаруға болмайды

  • © Sputnik / Владислав Воднев

    © Sputnik / Владислав Воднев

Мемлекеттік қызмет істері агенттігінің төрағасы Анар Жайылғанова мемқызметшілерді қысқарту кезінде кімді жұмыстан шығаруға болмайтынын айтты, деп хабарлайды sputniknews.kz.


"Еңбек кодексіне сәйкес, жүкті әйелдерді, үш жасқа дейін баласы бар аналарды, жалғызбасты аналарды, баланы анасыз тәрбиелеп жатқандарды, сондай-ақ, зейнеткерлікке дейін екі жылдан кем уақыт қалған адамдарды жұмыстан шығаруға болмайды", – деді Жайылғанова орталық коммуникациялар қызметінде өткен онлайн брифингте.

 

Оның айтуынша, оңтайландыру шаралары кезінде осы санатқа кіретін мемлекеттік қызметшілердің құқықтары барынша қорғалады. Ал олардың арасында тәжірибелі мамандар болса, демалысы мен жәрдемақысын да алуға мүмкіндік бар. Көлемі – төрт орташа жалақы. Осы норманың негізгі мақсаты – тәжірибелі мамандарды мемлекеттік аппаратта ұстап қалу.

 

"Ал қысқартуға қатысты шешім қабылданғанда мемлекеттік орган басшыларына әлеуметтік жағынан осал топтарды қызметте қалдыруға кеңес беріледі. Олардың қатарына асырауында екі және одан көп адамы бар қызметшілер, көпбалалы аналар, жарақат алғандар және тағы басқа адамдар кіреді", – деп атап көрсетті Жайылғанова.

 

Айта кетейік, мемлекет басшысы Қасым-Жомарт Тоқаев биылғы жолдауда мемлекеттік аппарат пен квазимемлекеттік сектор қызметкерлерін қысқарту жұмысын тездетуді тапсырған болатын.

 

Осыған байланысты биыл мемлекеттік және квазимемлекеттік сектор қызметкерлерінің саны 10 процентке, ал келесі жылы тағы 15 процентке қысқартылады. Осылайша шенеуніктердің 25 проценті қысқартылып, үнемделген қаражат есебінен жұмыста қалған қызметкерлердің жалақысы көтеріледі.


 




Көрілген: 357    Пікірлер: 0

жұма, 18.09.2020, 13:45

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31