Мәселе

"Періштелер келмейді": Шымкентте шырақшы қабірлердегі суретті өшіріп тастаған

  • "Періштелер келмейді": Шымкентте шырақшы қабірлердегі суретті өшіріп тастаған

Шымкентте зират шырақшысы қабірлердің басына орнатылған көк тастарды бүлдірген. Құлпытасқа салынған сурет пен қоршау "дінге жат" деген шырақшы бейнелерді қашап өшіріп, қоршауларды алып тастапты, деп хабарлайды Stan.kz ақпарат агенттігі "КТК" арнасына сілтеме жасап.

Бақилық болған туған-туысына құран бағыштауға келгендер полицияға арыз түсіріп, кінәлілерді жазаланды сұрады.

Бейітте бес туысы жатқан Нүрия Ғабдулина мазардың бүлінгенін жақында ғана біліпті. Анасы мен ағасына қойылған көктаста марқұмдардың суреті салынған екен. Сол бейнелерді бәзбіреу қашап тұрып өшіріп тастаған. Тіпті көктасты талқандағаны былай тұрсын, қабірге қойылған қоршаудың өзін қиратып кеткен.  

 
"Есімізден тана жаздадық. Не суреті, не қоршауы жоқ. 3-ақпан күні көре сала, полицияға арыз бердік. Тағы бір аптадан кейін келсек, тағы бір қабірдің басындағы бейнені қашап тастаған. Сонда бұлар қазірге дейін бейітті аңдып, марқұмдардың ескерткішін қорлап жүр", - деді Нүрия Ғабдулина.

Мұсылман мазарында жүзден астам адам жерленген. Ескілері жәй төмпешік болып қалса, кейінгілерінің басына көктастан ескерткіш қойылған. Құлпытастағы жазу сол күйі тұр. Ал марқұмдардың суреті мен жан-жағындағы қоршауы бұзылған. Қазір мұнда 10-нан астам қабірдің тас-талқаны шыққан.

"Қалай болса солай қашап өшірген. Мысалы, мынау менің әкеме қойылған көктастың астындағы іргетасына дейін жұлып алып тастаған да, плитасын жерге қадай салған. Тіпті туған және өлген күні көрінбей қалыпты", - деді Светлана Ғабдулина.

Құлыптастарды қиратып, аруақтарды қорлады деген осы зираттың  шырақшысы болып шықты. 37 жылдан бері айналадағы бірнеше қорымға қарайлап жүрген Юлдаш Расулметовтың айтуынша, өлгендердің тасына сурет салып, қоршау салған дұрыс емес. "Мұндай нәрсе аруақтарды қинайды" деген ақсақал мен оның жамағаты көктасты қашау үшін арнайы аппаратпен жұмыс істепті.

"Сурет пен ит бар жерге періште келмейді. Мұндайда аруаққа қанша құран бағыштап, құдайы ас берсең де, сауабы болмайды. Сондықтан біз түсінген адамға жақсылық жасап жатырмыз. Бұл уағызда айтылады. Біз имамдармен кеңесіп, көпшілікпен ақылдасып, осылай шештік", - деді шырақшы Юлдаш Расулметов.

Шырақшы құлыптастардағы бейнелерді өшірумен былтырдан бастап айналыса бастапты. Тіпті жақынын жерлеуге келгендерге де "бейнесі жоқ белгі қойыңдар" деп үгіттейді екен.

"Құлпытаста фото болмауы керек" деген шырақшы мен оның жамағаты тіпті фотоны қырып алып тастаған. Тек марқұмның туыстары шағымданған соң, бәрін қалпына келтірген. Қазір қоршауда, құлпытастағы фото да қаз-қалпында. "Шариғаттан аттамадым" деген шырақшы енді осы істегеніне жауап береді. Полиция "өлген адамдардың мәйіттерін және олар жерленген жерді қорлау" бабымен қылмыстық іс қозғап, тергеу жүргізіп жатыр.




Көрілген: 2614    Пікірлер: 0

жұма, 12.02.2021, 09:48

Достарыңмен бөліс:



  • СОҢҒЫ ЖАРИЯЛАНЫМДАР:
    5 Сәуір, 23:17
    Қостанайды су басты

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30