Мәселе

Сағатына 7 отбасы: Елімізде күніне 150 жұп ажырасады

  • Сағатына 7 отбасы: Елімізде күніне 150 жұп ажырасады

    Сағатына 7 отбасы: Елімізде күніне 150 жұп ажырасады



Ажырасу оңай ма? Сенсеңіз де, сенбесеңіз де, елімізде күніне 150 жұп ажырасады екен. Яғни бұл сағатына 7 отбасының шаңырағы шайқалады деген сөз. Сорақысы, жыл сайын дәм-тұзы жараспай, ажырасып кететіндердің қатары артып келеді.


Сағатына 7 отбасы: Елімізде күніне 150 жұп ажырасады


Ал, некелескендердің саны керісінше азаюда. Бұған не себеп? Тәрбиеден көреміз бе, әлде жастардың әлеуметтік жағдайы шынымен қиын ба? Депутаттар бұл мәселені шешу үшін қандай бағдарлама ұсынбақ? Ал, сарапшылар оларды неге қолдамай отыр? Өздерінің ұсынысы қандай? Бұл туралы Stan.kz ақпарат агенттігі Евразия арнасына сілтеме жасап хабарлайды. 


Бүгінде жастар үшін үйлену емес, ажырасу оңай  болып кеткендей. Біз емес, сандар сөйлесін.


Статистика комитетінің дерегінше, елімізде соңғы бес жылдың ішінде некелескендердің саны 15 пайызға төмендеген. Сөйтіп былтыр 137 797 жұп қана отау құрыпты. Ал ажырасқандарға келсек, жағдай тіпті көңіл көншітпейді. Некесін бұзғандардың қатары 3 пайызға артып, өткен жылы бұл көрсеткіш 54 797-ні құрапты. Яғни отасқандардың тең жартысына жуығы ажырасып кеткен.  


«Ажырасқандардың орташа жасы  ер адамдарда 38,5, ал әйел адамдарда 34,3. Осы қаңтар-қыркүйек айындағы ағымдағы жылдың 1000 адамға шаққанда Павлодар облысында 4,2, Нұр-Сұлтан қаласы 4,1, Ақмола облысы 3,9, Алматы қаласы 3,8», - деді статистика комитетінің бас сарапшысы Гүлмира Маханбетова. 


Ажырасқандардың қатарында кәмелет жасына толмағандары да бар. Тек былтырдың өзінде  ерте некелескен 1000-нан астам жұптың шаңырағы шайқалыпты.  Неге?


«Әрине баспана мәселесі. Әрине жұмыс мәселесі көтеріледі. Әрине бала мәселесі көтеріледі. Баланы балабақшаға беру. Бұл өте кешенді мәселе. Оны жүйелі кешенді түрде шешу керек деп ойлаймын. Сондықтан мемлекеттің барлық мекемелері жергілікті атқарушы органдар да сөзбен емес, іспен осыған үлесін тигізу керек», - деді депутат Бейбіт Мамраев.


Алайда психологтар ажырасуға бел буған жастарға ешқандай мемлекеттік бағдарлама көмектеспейді, мәселе мүлдем басқада, дейді.


«Ажырасу бұл жерде психологиялық проблема. Оған ешқандай бағдарлама да, ешқандай заң да көмектеспей қалуы мүмкін. Өйткені, ол адамның қалауы. Ал адамның қалауына не әсер етті? Оның ажырасуға не себеп болды? Соны анықтап, сонда ғана жүмыс істесек, онда ажырасу азаяды», - деді психолог Жанагүл Тұрманова.


Сөзбен айтқанда бәрі оңай сияқты көрінеді. Бірақ іске келгенде тигізіп жатқан пайдасы шамалы екенін түсінесің. Қоғам белсендісі Камал Альпеисова, мәселенің түп-төркіні ата-ананың балаға берген тәрбиесінде жатыр дейді.  


«Қыз баланы ойбай, осы менің ханшайымым деп өсірмеу керек. Қыз баланы сен болашақ анасың, сен үйдің шаруасын шыр көбелек айналдырып отыратын, бір үйдің ұйытқысысын деп үйрету керек. Мен мынау тойларда шешелерінің құдағи енді өзіңіз тәрбиелеп аласыз деген сөздеріне қарным ашады. Жоқ, ол шешесі тәрбиелеу керек оны. Сол сияқты ұлды да сен болашақ күйеусің, сен болашақ әкесің, сен асыраушысың деп үйрету керек», - дейді қоғам белсендісі Камал Альпеисова. 


Өкініштісі, көбі мінездері келіспегеннен, я дәм-тұзы жараспағаннан ажырыспайды. Бұл мәселені қазбалай берсең, түбі тереңде жатыр.


Толық емес отбасы боп, баспаналы болу үшін немесе сол бір жәрдемақы алу үшін некелерін бұзатындары жетерлік. Араларында тіпті әлеуметтік жағдайы жақсы отбасылар да бар.


«Тәжірибе көрсеткендей, кейбір ҚР азаматтары мүліктік ниетте некелерін жалған бұзуға барып жатады. Бұл әсіресе, көрсеткішке қарайтын болсақ, шенеуніктердің арасында. Себебі осыған дейін бұрын тұрып жатқан пәтерін сақтап қалады, сонымен қатар құқықтық тұрғыда пәтерсіздер категориясына жатады. Бұл осы азаматтарға жаңадан пәтер алуға мүмкіндік береді», - деді заңгер Ахметжан Бейсембек.


Осылайша, неке деген жастар арасында құдды бір ойыншыққа айналғандай. Ресми дерекке сенсек, елімізде күніне 370 жұп шаңырақ көтеріп, оның 150-і ажарасады. Яғни сағатына 7 отбасының шаңырағы шайқалады деген сөз. Айта кетерлігі, некесін бұзатындардың 70 пайызында ортақ балалары бар.


 



 

 




Көрілген: 298    Пікірлер: 0

сәрсенбі, 13.11.2019, 20:39

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31