Мәселе

Шымкентте құжатсыз қалған отбасы шатыр астында өмір сүріп жатыр (фото)

  • Фото: NUR.KZ

    Фото: NUR.KZ

Шымкенттік отбасының қолда бар заттардан шатыр тұрғызып, сонда тұрып жатқанына бірнеше күн болған. Редакция тілшілері отағасы мен жұбайымен кездесіп, жанұяның мұндай күйге қалай түскенін анықтап қайтты деп хабарлайды KAZ.NUR.KZ.


"Пәтер жалдап тұрғанбыз, сосын қожайындар оны босатуды сұрады. Осындай баспана тұрғызуға тура келді. Үш баламыз бар, үлкені алтыда. Олар бәрін түсініп отыр. Бұл уақытша қиындықтар екенін білемін. Бәрі жақсы болады", - деді Меруерт Арқарбекова.



Әйел адамның айтуынша, отағасы үшінші топ мүгедегі, жұмысқа жарамсыз. Меруерт жалғыз өзі жұмыс істейді екен. Жалақысы - 80 мың теңге.


Жақында отбасында тағы бір бала дүниеге келеді деп күтілуде.


Бұл жанұяның суреті әлеуметтік желіде жарияланып, адамдар оларға азық-түлік пен ақша әкеліп жатыр екен. Меруерттің айтуынша, адамдар тамақ, ақша әкеліп, тіпті уақытша баспана ұсынған.

Мейірімді жандар отбасына барлық жағдайы жасалған уақытша баспанаға көшуге ұсыныс жасаған, бірақ олар бас тартыпты.



"Ешкімге масыл болғым келмейді. Жай ғана осындай қиындыққа тап болдық. Адамдардың қол ұшын созғандарына риза болдым. Біреуге біреу міндетті емес. Барлық қиындықтар уақытша", - деді келіншек.

Меруерттің айтуынша, олардың құжаттары жоқ, сондықтан жәрдемақы алмайды.


"Қарызымыз болған. Кепіл ретінде құжаттарымызды тастағанбыз. Жеріміз бар, сол жерге үй саламыз. Алайда жердің де құжаттары жоқ.

Қарызға ақша алып, жерді рәсімдеген едік. Бірақ оны рәсімдеумен айналысқан ер адам із-түзсіз жоғалып кетті. Сол жерге үй салуды жоспарлап отырмыз.


Ақша жинаймыз. Пәтер жалдамаймыз, одан да сол ақшаны құрылыс материалдарына жұмсауды жөн көріп отырмыз", - дейді Меруерт Арқарбекова. 




Көрілген: 510    Пікірлер: 0

сейсенбі, 04.06.2019, 10:11

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31