Мәселе

Тойға барамын деп өлім құшуда: Коронавируспен ауырған адамдардың оқиғалары

  • Тойға барамын деп өлім құшуда: Коронавируспен ауырған адамдардың оқиғалары

    Тойға барамын деп өлім құшуда: Коронавируспен ауырған адамдардың оқиғалары

Қазақстандықтар коронавирусты жасырын түрде жасалып жатқан тойларда жұтыруда. Алайда жасырын той жасау әлі де тоқтар емес, деп хабарлайды "Информбюро" бағдарламасы.

Коронавирустан ем алып жатқан науқастардың бірі журналист Арман Каримов жанында жатқандардың басым бөлігі вирусты мерекелік іс-шарада, отбасылық кештерде жұқтырғанын айтады. Ол тіпті өзінің де қалай инфекция жұқтырғанын біледі. 

 
"Мен қазір орталық клиникалық ауруханада жатырмын. Науырыздан кейін ауруханаға түстім. Бірақ вирусты одан бұрын жұқтырғанмын. Шамамен вирусты дәріханада жұқтырып алған сияқтымын. Мен жөргек алуға барғанмын. Сол кезде түрі көгеріп кеткен ер адамда кезекте тұрған. Өзін нашар сезініп тұрған еді. Менің ойымша сол кісі коронавируспен ауырған. Өйткені вирусқа қарсы дәрілер сатып алды", - дейді ол. 

Сонымен қатар, Арман Каримов ауруханадағы қазіргі жағдай мәз емес екенін жеткізді. Мерекелік іс-шараларға барып, бүкіл отбасын жұқтырғандар өте көп екенін айтады ол. 

"Ауруханада адамдар жеке-жеке палатада жатыр. Бірі оттегімен тыныс алып жатса, енді бірі дәрігер жазып берген препараттарды қабылдауын жалғастыруда. Барлық бөлмелер жабық. Бұл жерде ауырып жатқандар вирусты екі жолмен жұқтырған. Бірінші жолы - өздері әртүрлі кештерге, тойларға барған. Екінші жолы - жақындарынан жұқтырған. Бұл мәселеге мән беру керек. Айыппұл көлемін де арттыру қажет", - дейді Арман Каримов. 

Ол бір палатада жатқан науқастардың вирусты қалай жұқтырғаны туралы бірнеше оқиғамен бөлісті. 

"Ата мен әже 30-50 адам жиналған қоныс тойға барыпты. Үш күннен кейін ауырып, жедел жәрдем шақырған. Қателеспесем жедел жәрдем келмепті. Үш күннен кейін атасы тыныс жетіспеушіліктен көз жұмыпты. Ал әжей қазір ем алып жатыр", - дейді ол. 

Тойға бармаса да, барларда қыдырып жүрген жас жігіт те ата-анасына вирус жұқтырып, қазір өзі ауруханада жатқан көрінеді. 

"Тағы бір бала лаунж-барларға барып жүрген. Барлығы ашық, жасырын жұмыс істеп жатыр дейді. Достарымен барға барамын деп ата-анасына және тағы бір досына вирус жұтырыпты", - дейді Каримов. 

Ауырғандардың арасында тойға барғысы келмесе де, "ұят болады" деп бүкіл отбасының өмірін қауіпке тіккендер де бар. 

"Бану есімді қыз Талғарда жасырын түрде өткен құрбысының ұзатуына барыпты. Тойға барып келгеннен кейін үйіндегілердің барлығына вирус жұқтырған. Бану тойға барғысы келмепті. Бірақ ең жақын құрбысы ұзатылғандықтан, көңілін қалдырмаған", - дейді журналист. 

Науқастардың басым бөлігі жасырын тойларға, рұқсат етілмеген іс-шараларға, адам көп жиналған жерге өздері барғанын айтып ашынған журналист бұлай жалғаса берсе, жағдай жақсармайтынын түсіндірмек болды. 

"Бұл қарқынмен шілде айындағы жағдайға қайтадан жетеміз. Ол кездері мәйітханалардың өзі толып кеткен еді. Дәрігерлерге арнайы киіммен жүру өте қиын. Қазір күн жылынатын болса, тіпті қиынға соғайын деп тұр. Сондықтан, өздеріңізді күтіңіздер, вирусты үйге тасымаңыздар. Өміріңізде бұл тойдан басқа той болмайтындай барлық жерге бара берудің қажеті жоқ", - дейді Арман Каримов. 




Көрілген: 884    Пікірлер: 0

сәрсенбі, 14.04.2021, 11:41

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31