Мәселе

"Тірі екенін жүрегіммен сеземін". Атырауда жоғалған бір жарым жасар баланы іздестіру жұмыстары тәуліктен асты

  • "Тірі екенін жүрегіммен сеземін". Атырауда жоғалған бір жарым жасар баланы іздестіру жұмыстары тәуліктен асты

Атырауда қала маңындағы Жұлдыз шағын ауданында жоғалған бір жарым жасар баланы іздеу жұмыстары бір күннен аса жалғасып жатыр. Жүздеген ерікті мен полиция қызметкері қаланың шет жағын шарлап, бірақ әзірге олардың әрекеттері нәтиже бермеді. Бұл туралы "АкЖайык" басылымына сілтеме беріп Stan.kz ақпарат агенттігі хабарлайды.


Жоғалған Алидің туыстары үмітін үзбейді және баланың қайтып келуін күтеді.

Баланың әжесі Нұргүл Әбішева «Ақжайық» облыстық газетінің тілшісіне жүрегімен баланың тірі екенін сезетінін жеткізген:

"Жергілікті тұрғындардың бірі көшеде баланы кездестіріп, оны жоғалтып алды деп шешіп, үйіне алып кетті деп ойлаймыз, енді ол жағдайдың саябырсуын күтіп отырған болар, содан кейін ол баланы қайтарады. Ал қазір ол адам ұрлады деп айыпталамын деп қорқып жатқан тәрізді. Баланың тірі екендігіне біз бәріміз сенеміз. Сондай-ақ, көріпкерлер де осылай ойлайды", - дейді жоғалған баланың туыстары.

Үйде әжесі, оның күйеуінен басқа Алидің анасы және тағы үш бала тұрады екен.

Жоғалған баланы іздеуге жүздеген ерікті шықты, олар күндіз-түні аймақта іздеу жұмыстарын жүргізген.

Полицияның мәліметінше, 50 полиция қызметкері, ұлттық гвардияның 30-ға жуық жауынгері және Атырау қаласы мен «Жұлдыз» ықшамауданының 100-ге жуық тұрғыны түнгі іздеуге шыққан. 21 мамырда таңертең іздеу жұмыстарына тағы 400 адам қосылды. Оған 70 күзетші, 100-ден астам полиция қызметкері, 20 техника және екі қызметтік ит жұмылдырылған.

Бала жоғалған аймақта қаңырап қалған ғимараттар, саяжайлар көп, жақын жерде зират орналасқан.

Жергілікті полиция қызметінің бастығы Ерлан Биғамбаевтың айтуынша, әжетқұдық пен қоқыс контейнерлері тексерілген. Зираттағы мазарларды тексеру жүргізіледі.

Оның айтуынша, баланың жоғалып кеткені туралы хабарлама полицияға 20 мамырда 14.01-де түскен. Сол күні бала аулаға ойнауға шыққан, отбасы мүшелері оны жарты сағатта жоғалтып алған. Алдымен олар баланы өздері іздеген, содан кейін полицияға жүгінді.

"Біз бала жоғалған жерге барып, көшелерді аралап шықтық, шағын ауданның тұрғындарын сұрастырдық, бірақ нәтиже болмады, сосын әлеуметтік желілер арқылы еріктілерге хабарластық", - деді Биғамбаев.
Көптеген ерікті, екі ауысымға болып жұмыс істеу туралы шешім қабылдаған.

Тікелей іздеу жұмыстарынан басқа баланың жоғалып кету себептері қарастырылған. Ерлан Биғамбаевтың айтуынша, хабар-ошарсыз кеткен баланың әкесінен де жауап алынған. Ер адам бала анасынан бөлек тұрады және оның ұлының жоғалып кетуіне қатысы жоқ екенін айтқан.




Көрілген: 753    Пікірлер: 0

жұма, 22.05.2020, 00:42

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30