Мәселе

Туған күніне шақырып, зорламақ болған: Полиция 15 жастағы қыздың өлімін тергеуде

  • © Sputnik Кыргызстан

    © Sputnik Кыргызстан

Танысы жігіті зорламақ болған 15 жастағы ару осы жылдың 9 маусым күні өзіне қол салды. Дәрігерлер үш күн бойы қыздың жанын арашалауға тырысқанымен, алайда 12 маусым күні жасөсіпірім қыз Алматы облысының ауруханасында қайтыс болған деп жазады KAZ.NUR.KZ.


Бұл оқиға туралы "Немолчи" қорының жетекшісі Дина Смаилова өзінің желідегі парақшасында жазды.


Оның сөзінше, жөспірім қызды 2018 жылдың 26 қыркүйегінде зорламақ болған. Оны таныс жігіт 19 жасқа толған туған күніне шақырған екен.


Смаилованың жазуынша, жас жігіт интернет жұлдызы, енді көтеріліп келе жатқан эстрада әртісі болған. Сондықтан қыз бала оның ниеті таза деп ойлап, сеніп қалса керек.


"Қыз баланы үйіне шақырып, онда туған күнін тойлайтындарына сендірген. Бірақ шындығында зорламақ болған. Ол қарсылық көрсетіп, қашып кеткен. Алайда үлкен психологиялық соққы алған. Соның салдарынан қайғылы жағдай орын алды", - деп жазды Дина Смаилова.


Оқиғадан кейін қыз баланың қызуы көтеріліп, құса бастаған. Таңертең мектепке бармаған, анасы басқа қалада болғандықтан оған ештеңе айтпаған. Анасы оралғаннан кейін қызын көргенде бірден бір нәрсе болғанын түсінген.


Сонда бойжеткен бәрін айтып берген. 3 қазанда анасы мен қызы полицияға арыз жазған. Қазір анасы сол үшін өзін жазғырып отыр.


"Ең басты мәселе - зорлаушы. Ол кінәсін мойындамады, қыздан кешірім сұрамады. Керісінше оған жала жауып, достары, туыстары және полицейлердің алдында қара бет қылды. Тіпті 14 жастағы қызды бопсалаушы деп айыптады.

Екінші мәселе - тергеу мен мемлекеттік органдар. Зорлау талпынысына немесе зорлауға тап болған баладан түсінік алу үшін бала психикасын түсініп, дұрыс сұрақ қоя білу керек. Бірақ ондай жоқ, болмайды да", - деп жазды Дина.


Сондай-ақ мектептегілер оған құжаттарын алып кету керектігін жеткізген. Бірақ Смаилованың сөзінше, жасөспірім мұны ата-әжесі білгенін қатты қаламаған, ал мектеп директоры әжесіне бәрін айтып берген.


"Қыз бала мектептен кеткен, бірақ анасы әкімдікке шағымданғаннан кейін директор туысқандарынан кешірім сұрап, Аделинаның әжесіне барып, онымен сөйлескен. Сөйтіп, жараның беті қайта ашылды", - деп хабарлады Смаилова.


Қазір Алматы облысының полиция департаменті кәмелеттік жасқа толмаған қыздың өліміне қатысты қылмыстық кодекстің 105 бабы "Өзіне қол салуға жеткізу" бойынша сотқа дейінгі тергеу амалдары жүргізіліп жатқанын хабарлаған.


Тергеуді Іле ауданының полицейлері жүргізуде. Істі облыстық полиция департаментінің басшысы өз бақылауына алған. 




Көрілген: 1618    Пікірлер: 0

жұма, 14.06.2019, 22:20

Достарыңмен бөліс:

2
  • СОҢҒЫ ЖАРИЯЛАНЫМДАР:
    11 Желтоқсан, 09:07
    2020 жыл. Нумеролог не дейді?

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31