Мәселе

Түнде әйелдердің жаман дыбыстары, таңертең атыс: Моншаның мәселесі

  • © Stan.kz

    © Stan.kz

Шымкент қаласы Гагарин көшесінің тұрғындары үйлерінің қасында орналасқан қаңғыбастар мен қылмыскерлер мекеніне айналған атышулы монша жайлы айтып stan.kz ақпараттық агенттігінің тілшісіне сұхбат берді.


Айтуларынша, нысанның жұмыс істемей тұрғанына бірнеше жыл болған. Үш қабатты ғимарат бүгінде адам көргісіз күйде. Кезінде монша болғанын тек маңдайшасындағы жазудан қалған "н" әрпіне қарап аңғаруға болады.


Бүгінде нысанды қаңғыбастар мекен етеді. Ғимарат ішінде шашылып жатқан тұрмыстық қалдықтар, киімдерге қарап оны бірден аңғаруға болады. Моншаға жақын жерде тұратындар бұл жердің күндіз тыныш болатынын айтады. Күн қалай батады. Солай жан-жақтан түрлі адамдар ғимарат ішіне жиналып, ойларына келгенін істейді екен.


- Түнде мүлдем терезе ашпайтын болдық. Қорқамыз. Түнде жаман дыбыстар шығады. Әйелдердің неше түрлі дыбысы шығады. Одан кейін азанда өткенде атыстың дауысы шықты. Жаман енді. Қорқамыз, - дейді тура моншаның түбінде тұратын келіншек.



Бұл ғимаратқа келуге соңғы кезде жастар да үйір. Бұрынғы моншаға жақын жерде тұратын тұрғындар олардың болашағы үшін алаңдаулы.


- Жастар да, оқушылар да келеді. Қолында бутылкасы бары да, темекі шегетіні де осында. Бар бұзақылық ішінде болып жатыр. Қорқасың. Тіпті жанынан да өтуге жүрегіміз дауаламайды. Түніменен айқай-шу. Енді үйге анық естіледі, - деген келіншек тіпті соңғы уақытта өзінің ұл-қызын көшеге шығаруға қорқатынын айтады. Себебі, маскүнемдердің көңіл-күйі болмаса, көздеріне көрінген адамға бөтелке, тас лақтыра жөнеледі екен.


Бұрынғы моншаны мекен етіп жүргендер тұрғындардың тыныштығына қоса, дүние-мүліктерін де ұрлауға көшкен. Түнде есік алдында тұрған заттарының таңертең орнын сипап қалатын жағдайлар жиілеген.



- Біздің үйде екі рет ұрлық болды. Есіктің алдындағы ыдыстың бәрін алып кетіпті. Кастрюль, стремянка - бәрі жоқ қой есіктің алдына шығып қарасам, - деген тұрғын үлкен үреймен күн кешіп жатқандығын айтты.


Ашық деректерге сүйенсек, бұл ғимарат "Halyk" банкіне тиесілі. Сатылымға 2018 жылдың мамыр айында шығарылған. Десе де, күні бүгінге дейін нысанды сатып алғысы келетін жан табылмапты. Ал монша жанындағы үйлерде тұратын тұрғындар қаңғыбастар мен қылмыскерлер жиналатын орынның иесі жақын арада табылмаса, өзіміз бір шара жасаймыз деп отыр.



 


 


3


 




Көрілген: 3546    Пікірлер: 0

дүйсенбі, 09.09.2019, 18:43

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30