Мәселе

Түркістан облысында ауыл тұрғындары әкімге арықтың суын ішкізді

  • Түркістан облысында ауыл тұрғындары әкімге арықтың суын ішкізді

    Түркістан облысында ауыл тұрғындары әкімге арықтың суын ішкізді

Адамдар қоқыс пен жануарлардың өлексесі қалқып жүретін арықтың суынан ауырып қаламыз ба деп қорқады, алайда одан басқа су жоқ

Түркістан облысындағы Алпамыс батыр ауылының тұрғындары ауыз суды күтуден шаршап, әкімге арықтың суын ішкізді, деп хабарлады КТК.

Арық – аймақтағы жалғыз су көзі, су Өзбекстаннан ағып келеді. Адамдар арықтың суынан ауырып қаламыз ба деп қорқады, алайда одан басқа жерде су жоқ. Сырттан әкелінетін суды сатып алуға барлық тұрғынның бірдей қалтасы көтере бермейді.

"Бұл арықта малдың да, иттің де, құстың да өлексесі жатады. Қоқысқа толып қалған! Қаншама микроб бар екенін елестетіп көріңізші. Біз оны ішуге мәжбүрміз. Салдарынан, мысалы, барлық балада ішек паразиттері бар!", - деді Мөлдір Сатыбай.
Тұрғындар күнделікті не ішіп жүргенін нақты көрсету үшін жергілікті әкімге бір шелек су алып барды. Ауылда тұратын шенеунік суды ішіп, өзі де осы арықтан күн сайын су ішуге мәжбүр екенін айтты. Бірақ ол ауыл тұрғындарына бұл мәселе жақын арада шешілетінін хабарлады.

Қазір жаңа ұңғыманы бұрғылау жұмыстар жүргізіліп жатыр, жыл соңына дейін, биліктің айтуынша, үйлерге таза су жеткізіледі. Алайда адамдар бұған сенбейді. Олардың айтуынша, бұған дейін шенеуніктердің өздері жаңа ұңғымаға үміт артудың қажеті жоқ, ол жерде су жоқ деп айтқан.

"Олар су шықпайтынын біле тұра, қазуды жалғастырып жатыр! Біз: "Онда неге қазып жатырсыздар?" - деп сұрап едік, "Бөлінген қаржыны игеруіміз керек", - деп жауап берді. Иә, солай деді! Бұл ақшаны желге шашу ғой! Олар ашық айтып отыр!", - деді Гауһар Жораева.  

Ауыз су мәселесін шешуге 893 миллион теңге жұмсалады деп жоспарланып отыр. Бұл ақшаға олар ұңғыманы бұрғылап, 25 шақырым құбыр салады.

"Қазір ұңғыма шамамен 55-70 метр тереңдікте қазылды, әрі қарай тереңдетіледі. Су міндетті түрде болады! Ұңғыманы су шыққанша кез келген тереңдікке бұрғылай береді", - деді ауылдық округ әкімі Ерлан Әділханов.

Осыдан 11 жыл бұрын билік бұл жерден су таба алмапты. Ол кезде, жергілікті тұрғындардың айтуынша, 100 миллион теңге жұмсалған, бірақ адамдарға су берілмеген.

sputnik.kz




Көрілген: 519    Пікірлер: 0

сәрсенбі, 22.09.2021, 09:20

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31