Мәселе

Уақытша некеге тұрып, талақ айтып ажырасатындар көбейді

  • https://syrboyi.kz/

    https://syrboyi.kz/

Соңғы кездері елімізде, теріс ағымдардың кесірінен, «уақытша неке», белгілі бір мерзім өткен соң әйелді «талақ» етіп, тастап кету сынды деректер жиі кездесе бастады. Тіпті, сол үшін ақша да төлеп, белгіленген уақытқа көңіл жарастыратындары да бар екен деп хабарлайды qazaqstan.tv.

Аты-жөнін атамауды өтінген кейіпкеріміз уақытша некеде 9 ай тұрған. Болашақ жарымен бас қосар алдында, ол ұстанған ақида бойынша, белгілі бір міндеттерді орындап, кейбір шарттарға мойынсұнуға мәжбүр болған. Соның бірі намаз оқып, орамал таққан соң, ұзақ уақыт жалғыз жүрмей, 3-ші не 4-ші біреулермен некелесіп, жар болу деген жалған сенім.

 

Жәбірленуші:

 

- Нихаб кию,үйде отыру, тек қана оның достарымен аралсу, өз ата-анаң, бауырларыңмен араласпау, тек өз айналасындағы адамармен сөйлесу. Мысалы, екінші әйел болдың ба, қалған достарының да екінші әйелдерімен араласасың. Ата-анаммен араласпай қалдым. Тыңдамадым. Қызыма көңіл бөлмей қалдым. Адамдардың бәрін кәпір санап, такфир шығардым. Қызым ауыратын сол неке кезінде. Реанимацияға түскеннің өзінде дәрігер шақырайын десем де, харам деп шақыртпай қойды.

 

Кейіпкеріміз қазір өзі секілді аяғын шалыс басып, тура жолдан жаңылған жандар көп екенін айтады. Араларында дер кезінде көкірек көзі ашылып, жат ағымнан іргесін аулақ салып үлгергендері де бар. Алайда әлі де жалған сенімге арбалып жүргендер жетерлік дейді. Олармен жеке сөйлесіп, қолымнан келгенше көмектесуге тырысып жүрмін дейді.

 

Жәбірленуші:

 

- Қолдан-қолға өтеді деген бар ғой қазір. Ол рас нәрсе. Ажырасты ма, талақ берді ме, әйелді досы алады. Менде де сондай жағдай болды. Талақ беріп тастап кеткен кезде «досыма тұрмысқа шығасың» деді. Ал, мен қарсы болдым. Кейін 3 күн үйде ұстады.

 

«Дінде де, салта та некенің тек бір ғана түрі бар. Ол, «ақ неке». Ал, қалғандарына Ислам тыйым салады», - дейді теологтар. Ал, уақытша неке нәпсіқұлдардың харакеті.

 

Бауыржан Мейірбекұлы, облыстық ҚМДБ пәтуа бөлімінің жауапты маманы:

 

- «Никәх мутьа» дейді араб тілінен алған кезде. Ол дегеніміз екі жақтың, яғни ер мен әйелдің бір келісімшартқа келіп, уақытша неке қиюуы. Мұнда неке уақытын шектеп қояды. Шариғатымыз бұған қарсы. Оның дұрыс еместігін айтады. Бірақ, діндегі жат ағымдардың жетегінде жүрген бауырларымыз бен қарындастарымыздың арасында осы нәрсе белең алып отыр. Яғни, бір ай, немесе, бір жыл көлемінде бірге тұрамыз деп некесін қидырады. Кейін уақыты өткен соң некенің мерзімі бітті деп талағын беріп, ажырасып жатады

 

Медет Құрмашұлы, ҚМБД Шариғат және пәтуа бөлімінің маманы, исламтанушы:

 

- Бұл жерде әйел адамды зат сиякты пайдалану бар. Сондықтан, бұл нәрсе – мүлдем дұрыс емес. Бұл туралы пайғамбарымыз осы мутьаһ некесіне тыйым салды деген хадистер бар. Ажырасу дегеннің өзі шариғат құптайтын нәрсе емес. Хадисте «Алла Тағалланың ең жек көретін нәрсесі ол – талақ, ажырасу». Ал, бұған қай уақытта рұқсат беріледі? Ерлі-зайыптылар бір шаңырақ астында мүлдем тұра алмай кеткенде ғана рұқсат етіледі. Ал, әйел адамды алып, біраз уақыттан соң оны талақ қыла беру – шариғаттың мақсаттарына сай келетін нәрсе емес.

 

Қазір елімізде қанша жанның уақытша неке құрбаны болғанын ешкім дөп басып айта алмайды. Тек соңғы кездері мешітке көмек сұрап келетін қарагөздер көбейді дейді имамдар. Демек, бұл қазіргі қоғам бей-жай қарайтын мәселе емес...

 




Көрілген: 396    Пікірлер: 0

бейсенбі, 15.07.2021, 13:25

Достарыңмен бөліс:





  • СОҢҒЫ ЖАРИЯЛАНЫМДАР:
    12 Қыркүйек, 00:18
    Қосшы қаласында шу шықты

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30