Украинада 660 қазақстандық эвакуация күтіп отыр - СІМ

02 наурыз 2022, 12:48

Шамамен 80 адам бүгін шекараны кесіп өтеді, деді министр орынбасары.

Соңғы мәліметтерге сәйкес Украинадағы 660 қазақстандықтан эвакуацияға өтініш түсті, деп хабарлады Қазақстанның сыртқы істер министрлігі.

"Осы күндері украина аумағынан 450-ден астам адам шығарылды. киевте, львовта адамдар жиналып жатыр. Тағы шамамен 80 адам бүгін шекараны кесіп өтеді. Жүк көлігінің жүргізушілеріне қатысты мәселе шешіліп жатыр", - деді қазақстан сыртқы істер министрінің орынбасары шахрат нұрышев.
 
50 жүк көлігі жүргізушісінің 19-ын шекараны кесіп өткен, қалғандары бойынша қазіргі уақытта жұмыс жүргізілуде. Министрлік олардың қай жерде тұрғанын анықтап, мемлекеттік органдармен "жасыл дәліз" туралы келісіп жатыр.

"Біздің елшіліктің қазіргі негізгі міндеті – азаматтарымызға мейлінше көмек көрсету. Консулдық есепте шамамен 1600 адам тұр", - деді ол.

Украинадағы Қазақстан елшілігінде 8 адам қалып отыр, оның ішінде елші де бар.

sputnik.kz